Dinamalar

பிரம்மாண்ட இயக்குனர்களுக்கு வலை வீசும் ஹீரோக்கள்

தென்னிந்தியத் திரையுலகத்தில் உள்ள முன்னணி ஹீரோக்களுக்கு பான்-இந்தியா ஹீரோவாக மாற வேண்டும் என்பதுதான் தற்போதைய பெரும் கனவாக உள்ளது. 'பாகுபலி' படங்களின் வெற்றிக்குப் பிறகு தெலுங்கு நடிகரான பிரபாஸ், பான் இந்தியா நடிகராக உயர்ந்தார். அவர் தற்போது நடித்து வரும் படங்கள் அனைத்துமே பான் இந்தியா படங்களாகத்தான் வெளிவர உள்ளன. 'பாகுபலி' படத்தின் பெரும் வெற்றி அவரது இமேஜயும், சம்பளத்தையும் பன் மடங்கு உயர்த்திவிட்டது.

பிரபாஸ் போல தங்களது மார்க்கெட்டும் இந்திய அளவில் உயர வேண்டும், தங்களது சம்பளம் 100 கோடியைக் கடக்க வேண்டும் என்ற பேராசையில் சில ஹீரோக்கள் உள்ளனராம்.

தமிழ் நடிகரான விஜய் தன்னுடைய அடுத்த படங்களை பான்-இந்தியா படங்களாகத்தான் உருவாக்க வேண்டும் என்று சொன்னதாகத் தகவல். தெலுங்கில் ஜுனியர் என்டிஆர் கூட 'ஆர்ஆர்ஆர்' படத்திற்குப் பிறகு 'கேஜிஎப்' இயக்குனரான பிரஷாந்த் நீல் உடன் இணைய உள்ளார். அல்லு அர்ஜுன் தற்போது நடித்து வரும் படமான 'புஷ்பா' படமே பான் இந்தியா படம்தான். அப்படத்திற்குப் பிறகு பிரஷாந்த் நீல் இயக்கத்தில் நடிக்கப் பேச்சு வார்த்தை நடத்தி வருகிறாராம். ராம் சரண் 'ஆர்ஆர்ஆர்' படத்திற்குப் பிறகு தமிழ் இயக்குனர் ஷங்கருடன் இணைய உள்ளார்.

தெலுங்கில் ராஜமவுலி, தமிழில் ஷங்கர் கன்னடத்தில் பிரஷாந்த் நீல் ஆகியோர்தான் இப்போதைக்கு பிரம்மாண்ட இயக்குனர்களாக அறியப்பட்டுள்ளார்கள். பல கோடி செலவில் அடுத்து யார் படங்களை இயக்கப் போகிறார்களோ அவர்களும் பிரம்மாண்ட இயக்குனர்களாக மாறிவிடுவார்கள்.

• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்

• 
  ஆர்யாவின் ‛அனந்தன் காடு'
• 
  விஜய்யை தொடர்ந்து தனுஷை இயக்கும் வினோத்
• 
  ஏ.ஆர்.ரஹ்மானின் இசை நிகழ்ச்சியை காண முடியாமல் போனவருக்கு ரூ.50 ஆயிரம் ...
• 
  துருவ நட்சத்திரம் : சிம்ரன் அளித்த உறுதி
• 
  குபேரா படத்தின் ரன்னிங் டைம் எவ்வளவு