தமிழில் களமிறங்கும் மற்றொரு ஓடிடி தளம்

01 ஜூன், 2021 - 03:02 IST

0 கருத்துகள் கருத்தைப் பதிவு செய்ய

எழுத்தின் அளவு:

டிஜிட்டல் தொழில்நுட்ப புரட்சியின் காரணமாக ஓடிடி தளங்கள் இந்தியாவிலும் நுழைந்து நன்றாகவே காலூன்றி வருகின்றன. அமேசான் பிரைம், நெட்பிளிக்ஸ், ஹாட்ஸ்டார், சன் நெக்ஸ்ட், ஜீ 5, டிஸ்னி ஹாட்ஸ்டார் ஆகிய ஓடிடி தளங்கள் தமிழில் பழைய மற்றும் புதிய திரைப்படங்கள், வெப் சீரிஸ் ஆகியவற்றை வெளியிட்டு வருகின்றன.

கடந்த வருடம் கொரானோ முதல் அலை பரவிய போது மக்கள் தங்கள் பொழுதுபோக்கிற்காக இந்த ஓடிடி தளங்களை பயன்படுத்த ஆரம்பித்தனர். அதைப் பயன்படுத்திக் கொண்டு நேரடியாக புதிய படங்களை வெளியிட்டு தங்களை மேலும் வளர்த்துக் கொள்ள அத்தளங்கள் போட்டி போட்டன.

கடந்த வருடத்தில் மட்டும் 20க்கும் மேற்பட்ட தமிழ்ப் படங்கள் ஓடிடி தளங்களில் நேரடியாக வெளியாகின. இந்த கொரானோ அலை திடீரென உருவான காரணத்தால் புதிய படங்கள் அதிகம் வெளியாகவில்லை. 20க்கும் மேற்பட்ட படங்களை நேரடியாக வெளியிட ஏற்கெனவே உள்ள ஓடிடி தளங்கள் பேச்சு வார்த்தை நடத்தி வருகின்றன.

அவற்றுடன் தற்போது மற்றொருமொரு ஓடிடி தளமான 'சோனி லிவ்' தமிழில் களமிறங்க உள்ளது. அதற்கான தலைமைப் பதவியில் பிரபல தயாரிப்பாளர் ஜி.தனஞ்செயன் இணைந்துள்ளார். தமிழ்த் திரையுலகில் அவருக்குள்ள தொடர்பில் பல புதிய படங்களைப் பேசி வருகிறாராம். மேலும், புதிய வெப்சீரிஸ், நிகழ்ச்சிகள் ஆகியவற்றை ஆரம்பிக்கும் எண்ணமும் உள்ளதாம்.

இந்தத் தளத்திற்கான அதிகாரப்பூர்வ அறிவிப்பு விரைவில் வெளியாகும் என்கிறார்கள். அனேகமாக ஒரு பெரிய படத்துடன் 'சோனி லிவ்' தமிழில் கால் பதிக்கலாம்.

Sonyliv

OTT

Tamilcinema

கருத்துகள் (0) கருத்தைப் பதிவு செய்ய

அண்ணாத்த படப்பிடிப்பில் மீனாவை அதிர ...

நம்மையும் காப்போம், நாட்டையும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய