Dinamalar

மாஸ்டர் சாதனையை முறியடிக்கப் போகும் பீஸ்ட்

விஜய் படம் சம்பந்தப்பட்ட ஒரு அப்டேட் வந்தால் போதும் அது என்ன சாதனையைப் படைக்கப் போகிறது என விஜய் ரசிகர்கள் ஆவலுடன் காத்திருப்பார்கள். கடந்த சில வருடங்களாகவே விஜய் படங்கள் சமூக வலைத்தளங்களிலும், யு டியூப்களிலும் சில பல சாதனைகளைப் படைத்து வருகிறது.

டுவிட்டரில் விஜய்க்கென ஒரு அதிகாரப்பூர்வ பக்கம் உள்ளது. அந்தப் பக்கத்தில் மிக மிக முக்கியமான அப்டேட்டுகளை மட்டுமே பதிவிடுவார்கள். விஜய் படங்களைத் தயாரிக்கும் நிறுவனங்கள் அந்த அப்டேட்டுகளை அவர்களது பக்கங்களில் பதிவிட்டாலும் இந்த விஜய் டுவிட்டர் பக்கம்தான் சாதனைகளைப் படைக்கும் பக்கமாக இருக்கும்.

டுவிட்டர் தளத்தில் அதிகபட்ச லைக்குகளைப் பெற்ற புகைப்படம், போஸ்டர் என்ற டாப் 3 சாதனைகளை விஜய் படங்கள் தான் வைத்திருக்கிறது. கடந்த வருடம் ஆகஸ்ட் மாதத்தில் விஜய் மரம் நட்ட புகைப்படங்கள் 4,72,000 லைக்குடன் முதலிடத்தில் உள்ளது. மாஸ்டர் படப்பிடிப்பு நெய்வேலியில் 2020ம் ஆண்டு நடைபெற்ற போது ரசிகர்களுடன் விஜய் எடுத்துக் கொண்ட செல்பி புகைப்படம் 4,53,000 லைக்குகளுடன் இரண்டாம் இடத்தில் உள்ளது. அடுத்து மாஸ்டர் படத்தின் முதல் பார்வை 3,08,000 லைக்குகளுடன் மூன்றாம் இடத்தில் உள்ளது.

தற்போது பீஸ்ட் படத்தின் முதல் பார்வை 3,06,000 லைக்குகளுடன் நான்காம் இடத்தில் உள்ளது மாஸ்டர் முதல் பார்வை சாதனையை பீஸ்ட் சீக்கிரமே முறியடித்துவிடும்.

பீஸ்ட் படத்தின் படப்பிடிப்பு தற்போது சென்னையில் பரபரப்பாக நடந்து வருகிறது. விஜய், பூஜா ஹெக்டே சம்பந்தப்பட்ட காட்சிகள் படமாகி வருகின்றன.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா