Dinamalar

முதல் திருமண நாளைக் கொண்டாடும் ராணா டகுபட்டி

தெலுங்கு, ஹிந்தி, தமிழ் என நடித்து வருபவர் ராணா டகுபட்டி. 'பாகுபலி' படத்தின் மூலம் இந்திய ரசிகர்களிடம் பிரபலமடைந்தவர். அதற்கு முன்பாகவே சில காதல் கிசுகிசுக்களால் தமிழ் ரசிகர்களிடம் பிரபலமானவர். அவருக்கும் அவரது தங்கையின் தோழியான மிஹிகாவுக்கும் கடந்த வருடம் இதே நாளில் திருமணம் நடைபெற்றது.

கொரோனா ஊரடங்கு காரணமாக நெருங்கிய உறவினர், நண்பர்கள் கலந்து கொள்ள அவர்களது திருமணம் நடைபெற்றது. இன்று தங்களது முதலாவது திருமண நாளை இருவரும் கொண்டாடி வருகிறார்கள். அவர்களுக்கு பல சினிமா பிரபலங்களும் ரசிகர்களும் வாழ்த்து தெரிவித்து வருகிறார்கள்.

தங்களது திருமண நாளை முன்னிட்டு கணவர் ராணாவுடன் இருக்கும் புகைப்படத்தைப் பகிர்ந்து, மிஹிகா, “என்னுடைய அன்புக்குரியவருக்கு இனிய ஆண்டு விழா. இது மிகவும் மகிழ்ச்சியான ஆண்டு. இந்த உலகம் இருக்கும் வரையிலும், அதற்கு மேலும் உன்னை நேசிக்கிறேன். நீங்கள் நீங்களாகவும், மிகவும் அற்பதமான மனிதராகவும் இருப்பதற்கு நன்றி. இன்னும் நிறைய வாழ்நாள் இருக்கிறது. நாம் இருவரும் அருகில் இல்லாத வரையில், இது ஒரு கவுண்ட் டவுன்,” எனக் குறிப்பிட்டுள்ளார்.


ராணா மருத்துவ பரிசோதனைக்காக அமெரிக்கா சென்றுள்ளார். சினிமாவைப் பொறுத்தவரையில் 'அய்யப்பனும் கோஷியும்' தெலுங்கு ரீமேக்கில் மட்டும் ராணா நடித்து வருகிறார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி