Dinamalar

அஸ்வினுடன் புதிய படத்தில் இணைந்த குக் வித் கோமாளி புகழ்

குக் வித் கோமாளி நிகழ்ச்சியின் மூலம் பிரபலமான இரண்டு நட்சத்திரங்கள் தற்போது ஒரே படத்தில் இணைந்திருப்பது ரசிகர்களுக்கு மகிழ்ச்சியை அளித்துள்ளது.

பிரபல மாடலான அஸ்வின் ஆரம்பகாலகட்டத்தில் ஒரு சில திரைப்படங்களில் சிறு கதாபாத்திரங்களிலும் சீரியலிலும் நடித்து வந்தார். அவருக்கு சரிவர வாய்ப்பு கிடைக்காத நிலையில் விஜய் டிவியின் ரியாலிட்டி ஷோவான குக் வித் கோமாளி நிகழ்ச்சியில் கலந்து கொண்டார். சூப்பர் ஹிட்டான அந்த நிகழ்ச்சி அஸ்வினுக்கு நல்ல ஒரு மார்க்கெட்டை உருவாக்கியது. அது போலவே அந்த நிகழ்ச்சியின் மூலம் பிரபலம் அடைந்தவர்களில் புகழ் முக்கியமானவர் என்பதும் குறிப்பிடத்தக்கது.

குக் வித் கோமாளி நிகழ்ச்சிக்கு பிறகு அதில் வந்த பிரபலங்கள் பலருக்கும் சினிமா வாய்ப்பு கதவை தட்டி வருகிறது. அஸ்வினும் ஹீரோவாக கமிட்டாகி பிஸியாகிவிட்டார். மற்றொரு புறம் புகழ் பெரிய ஹீரோ படங்களில் நடித்து மாஸ் காட்டி வருகிறார். இந்நிலையில் ஹீரோ அஸ்வினும், காமெடியன் புகழும் இணைந்து 'என்ன சொல்ல போகிறாய்' படத்தில் நடித்து வருகின்றனர். டிரிடென்ட் ஆர்ட்ஸ் நிறுவனம் தயாரிப்பில் ஹரிஹரன் இயக்கும் இந்த படத்தின் முதல் பாடல் சமீபத்தில் வெளியாகி நல்ல வரவேற்பை பெற்றுள்ளது.

குக் வித் கோமாளி பிரபலங்கள் இருவர் ஒரே படத்தில் இணைந்திருப்பது பெரிய எதிர்பார்ப்பை ரசிகர்கள் மத்தியில் ஏற்படுத்தியுள்ளது.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  லோகேஷ் கனகராஜ் இயக்கும் ‛கைதி -2' படத்தில் நடிக்கவில்லை! -அனுஷ்கா மறுப்பு
• 
  திரில்லர் கதையை படமாக்கும் பிரேம்குமார்! பிரதீப் ரங்கநாதன் நடிக்கிறார்!!
• 
  கமலின் 237வது படம் டிராப் ஆகிவிட்டதா?
• 
  சண்முக பாண்டியன் நடித்துள்ள ‛படை தலைவன்' படத்தின் இரண்டு நாள் வசூல் ...
• 
  ஸ்ரீ லீலாவுக்கு பிறந்தநாள் வாழ்த்து தெரிவித்து சுதா கொங்கரா வெளியிட்ட ...