Dinamalar

ரசிகர்களின் இதயத்தை தொட்ட ஹீமா பிந்து!

கலர்ஸ் தமிழ் சேனலில் ஒளிபரப்பாகி வரும் 'இதயத்தை திருடாதே' தொடரில் ஹீரோயினாக நடித்து வருகிறார் ஹீமா பிந்து. இளைஞர்களின் கனவு கன்னி பட்டியலில் இடம் பிடித்துள்ள அவர், தற்போது செய்துள்ள காரியத்தால் பலரது மனங்களிலும் இடம் பிடித்துள்ளார்.

பொதுவாக தற்போது வெளிவரும் சீரியல்களில் ஹீரோவுக்கும், ஹீரோயினுக்கும் திருமணமே நடந்தால் கூட அவர்களுக்கு இடையே கணவன் மனைவிக்கு இடையேயான தாம்பத்திய உறவு நடக்காதது போலவே காண்பித்து வருகின்றனர். காரணம் இப்போதுள்ள சீரியல் நடிகைகளுக்கு அம்மா கதாபாத்திரத்தில் பெரிதாக நடிக்க வருவதில்லை என்பதோடு, நடிகைகள் இளைஞர்களை கவரும் வகையில், காதல் நாயகிகளாக வலம் வந்தால் மட்டுமே டிஆர்பியை அள்ள முடியும் என சீரியல் குழுவினர் கருதுவதால் அவ்வாறு திரைக்கதை வடிவமைக்கப்படுகிறது.

ஆனால், அந்த இலக்கணத்தை உடைத்துள்ள இதயத்தை திருடாதே சீரியலில், ஹீமா பிந்து ஒரு குழந்தைக்கு தாயாக நடித்து வருகிறார். ஒரு பக்கம் ஹீரோவுடன் ரொமான்ஸூம் மற்றொரு பக்கம் அன்புள்ளம் கொண்ட தாயாகவும் நடிப்பில் அசத்தி வருகிறார். இதானாலேயே ஹீமாவுக்கு ஜெனியூனான ரசிகர் பட்டாளம் உள்ளது.

ஹீமா பிந்து, நடிப்பில் மட்டுமல்ல நிஜத்திலும் தான் தாயுள்ளம் கொண்டவர் என்பதை நிரூபிக்கும் வகையில் ஒரு சிறப்பான காரியத்தை செய்துள்ளார். அவர், சமீபத்தில் ஆதரவற்ற குழந்தைகள் இல்லத்திற்கு சென்று அங்குள்ள குழந்தைகளுடன் மகிழ்ச்சியாக விளையாடி, அந்த நாளை கேக் வெட்டி கொண்டாடியுள்ளார். இந்த மகிழ்வான தருணத்தை பகிர்ந்துள்ள அவர், அன்பு பற்றி திருவள்ளுவரின் அருமையான குறள் ஒன்றை நச்சென பதிவெட்டுள்ளார். அந்த பதிவை பார்க்கும் பலரும் ஹீமா பிந்து நடிகை என்பதை தாண்டி மிகவும் நல்ல இதயம் கொண்டவர் என பாராட்டி வருகின்றனர்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  உழைக்கும் கரங்கள், உன்னிடத்தில் என்னைக் கொடுத்தேன், பீஸ்ட் - ஞாயிறு ...
• 
  கோவிலில் தீ மிதித்த புகழ்
• 
  ஆட்டுக்கார அலமேலு, கல்யாணராமன், சுல்தான் : ஞாயிறு திரைப்படங்கள்
• 
  சின்னத்திரை நடிகர் சங்கத் தேர்தல்: போஸ் வெளியே, ஆர்த்தி உள்ளே
• 
  கந்தன் கருணை, ஆழ்வார், சர்கார் - ஞாயிறு திரைப்படங்கள்