Dinamalar

மைனாவை டார்க்கெட் செய்த ரச்சிதாவின் கணவர்

பிக்பாஸ் வீட்டில் ரச்சிதா ஸேப்பாக கேம் விளையாடிக் கொண்டிருக்க, வெளியே அவரது கணவர் தினேஷ் மனைவிக்கு ஆதரவாக பிரச்சாரம் செய்து வருகிறார். அந்த வகையில் ரச்சிதாவின் விளையாட்டுக்கு இடையூறாக இருக்கும் நபர்களை ஸ்கெட்ச் போட்டு தூக்கி வருகிறார். முன்னதாக ராபர்ட் மாஸ்டரின் செயல்களை கண்டித்து பல பதிவுகளை வெளியிட்டிருந்த அவர் தற்போது மைனா நந்தினியின் பக்கம் தனது கவனத்தை செலுத்தியிருக்கிறார்.

சென்றவார எபிசோடின் போது ரச்சிதாவை திருமணத்திற்கு கூப்பிடாததால் அவர் தன்னுடன் பேசுவதையே நிறுத்திவிட்டார் என்றும், ஷூட்டிங் போது ரச்சிதா தன்னை இப்படி டிரெஸ் போடனும் அப்படி டிரெஸ் போடனும் என்று சொல்லி கட்டாயப்படுத்தினார் என்றும் மணியிடம் ரச்சிதாவை பற்றி மைனா குறை கூறியிருந்தார். தவிர ஏலியன் டாஸ்க்கிலும் எல்லை மீறி ரச்சிதாவிடம் கேள்வி கேட்டார்.

இந்நிலையில், ரச்சிதாவின் கணவர் தினேஷ் கூறுகையில் '10 ஆண்டுக்கும் மேலான தோழி என்று சொல்லிக்கொள்ளும் சக போட்டியாளர் உன்னை தூண்டிவிடும் வகையில் மோசமான கேள்வி கேட்கிறார். ஆனால், நீ அதை அழகாக சமாளித்தாய். தனிப்பட்ட தாக்குதலை திறமையாக எதிர்கொண்டாய். பலரது மனதை வென்று வா!' என்று பதிவிட்டு ஐ ஸ்டேண்ட் வித் ரச்சிதா என ஹேஷ்டேக் போட்டுள்ளார்.

இதனையடுத்து ரசிகர்கள் பலரும் ரச்சிதாவை மைனா டார்க்கெட் செய்வதாக கோபமடைந்துள்ளனர். மேலும், 'சரவணன் மீனாட்சி' சீரியல் படப்பிடிப்பின் போது ரச்சிதாவை மைனா புகழ்ந்து பேசும் வீடியோவையும் வெளியிட்டு மைனாவை பச்சோந்தி எனவும் விமர்சித்து வருகின்றனர்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  உழைக்கும் கரங்கள், உன்னிடத்தில் என்னைக் கொடுத்தேன், பீஸ்ட் - ஞாயிறு ...
• 
  கோவிலில் தீ மிதித்த புகழ்
• 
  ஆட்டுக்கார அலமேலு, கல்யாணராமன், சுல்தான் : ஞாயிறு திரைப்படங்கள்
• 
  சின்னத்திரை நடிகர் சங்கத் தேர்தல்: போஸ் வெளியே, ஆர்த்தி உள்ளே
• 
  கந்தன் கருணை, ஆழ்வார், சர்கார் - ஞாயிறு திரைப்படங்கள்