Dinamalar

ஹிந்தியில் அடுத்தடுத்து இரண்டு கிரிக்கெட் படங்கள் ரிலீஸ்

இந்தியத் திரையுலகில் விளையாட்டை மையமாக வைத்து சமீப காலமாக பல படங்கள் வெளிவந்து கொண்டிருக்கின்றன. கிரிக்கெட்டை மையாக வைத்து, முன்னாள் கிரிக்கெட் கேப்டன் தோணியின் வாழ்க்கை வரலாற்றுப்படமான ஹிந்தியில் வெளிவந்த 'எம்எஸ் தோனி - தி அன்டோர்டு ஸ்டோரி' பெரும் வரவேற்பைப் பெற்றது.

அதற்கடுத்து சில படங்கள் வெளிவந்தாலும் அந்தப் படம் அளவிற்கு புகழ் பெறவில்லை. அடுத்து 83ம் ஆண்டு ஒரு நாள் போட்டிக்கான உலகக் கோப்பையை வென்ற இந்திய அணியை மையமாக வைத்து உருவாகியுள்ள '83' படம் இந்த மாதம் டிசம்பர் 24ம் தேதி வெளியாக உள்ளது. இப்படத்தின் டிரைலர் நேற்று வெளியாகி பெரும் வரவேற்பைப் பெற்று 50 மில்லியன் பார்வைகளைக் கடந்துள்ளது. இப்படத்தில் ரன்வீர் சிங், தீபிகா படுகோனே மற்றும் பலர் நடித்துள்ளனர்.

அதற்கடுத்து ஷாகித் கபூர், மிருணாள் தாக்கூர், பங்கஜ் கபூர் மற்றும் பலர் நடித்துள்ள கிரிக்கெட்டை மையப்படுத்திய படமான 'ஜெர்சி' டிசம்பர் 31ம் தேதி வெளியாக உள்ளதாக அறிவிக்கப்பட்டுள்ளது. இப்படத்தின் டிரைலர் கடந்த வாரம் வெளிவந்து 48 மில்லியன் பார்வைகளைக் கடந்துள்ளது. இப்படம் தெலுங்கில் நானி நடித்து 2019ல் வெளிவந்த படத்தின் ஹிந்தி ரீமேக்.

பாலிவுட்டில் அடுத்தடுத்து கிரிக்கெட்டை மையப்படுத்திய இரண்டு படங்கள் வெளிவர உள்ளது கிரிக்கெட் ரசிகர்களுக்கும், சினிமா ரசிகர்களுக்கும் மகிழ்ச்சியைத் தரலாம்.

• 
  மைக்கை வைத்துவிட்டு வெளியேறட்டுமா? : வார் 2 விழாவில் டென்ஷனான ஜூனியர் ...
• 
  பிளாஷ்பேக்: திரைக்கதை வசனம் எழுதிய ரஜினி; வெள்ளித்திரையில் மின்னத் தவறிய ...
• 
  அபினய்-க்கு உதவிய தனுஷ்
• 
  இந்தியாவில் முதல் நாளில் வசூலைக் குவித்த படங்கள்
• 
  துருவ் விக்ரம் படத்தில் மூன்று கதாநாயகிகள்?

• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...