Dinamalar

காதல் கணவரை பிரிந்தார் ராக்கி சாவந்த்

பாலிவுட் கவர்ச்சி நடிகை ராக்கி சாவந்த். தென்னிந்திய மொழி படங்களிலும் நடித்திருக்கிறார். தமிழில் என் சகியே, முத்திரை, கம்பீரம் போன்ற சில படங்களில் ஒரு பாடலுக்கும் நடனமாடியிருக்கிறார். இந்தி பிக் பாஸ் சீசன் 15ல் கலந்து கொண்டார்.

ராக்கி சாவந்த் கடந்த 2019ம் ஆண்டு தொழில் அதிபர் ரித்தேஷ் சிங்கை திருமணம் செய்து கொண்டார். இந்த நிலையில் அவரை பிரிந்து விட்டதாக நேற்று காதலர் தினத்தன்று அறிவித்தார்.

இது தொடர்பாக அவர் தனது கூறியிருப்பதாவது: அன்புள்ள நண்பர்களுக்கும், நலம் விரும்பிகளுக்கும் சொல்ல விரும்புவது, நானும் ரித்தேஷும் மனமொத்து பிரிய முடிவு செய்துள்ளோம். பிக்பாஸ் நிகழ்ச்சிக்குப் பிறகு பல விஷயங்கள் நடந்தன. அதில் பல விஷயங்கள் எனக்குத் தெரியாது. நாங்கள் வேறுபாடுகளை மாற்ற முயற்சித்தோம். ஆனால் இருவரும் இணக்கமாக பிரிந்து செல்வது தான் சிறந்தது என்று முடிவு செய்தோம். இப்போது இருவரும் எங்கள் வாழ்க்கையை தனித்தனியாக அனுபவிக்கிறோம்.

இது காதலர் தினத்திற்கு முன்பே நடக்க வேண்டும். ஆனால் இப்படி ஒரு தினத்தில் முடிவெடுத்ததில் நான் வருத்தமடைகிறேன். ரித்தேஷ் அவரது வாழ்க்கையில் சிறந்து விளங்க வாழ்த்துகிறேன். ஆனால் வாழ்க்கையின் இந்த கட்டத்தில், நான், எனது வேலையில் கவனம் செலுத்த வேண்டும். என்னை மகிழ்ச்சியாகவும் ஆரோக்கியமாகவும் வைத்திருக்க வேண்டும். எப்போதும் என்னைப் புரிந்துகொண்டு ஆதரவளித்ததற்கு நன்றி.

இவ்வாறு எழுதியிருக்கிறார்.

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...