Dinamalar

ராஷ்மிகாவின் முதல் ஹிந்திப் படம் இன்று ரிலீஸ்

கன்னடத் திரையிலகத்தில் 2016ல் வெளிவந்த 'கிரிக் பார்ட்டி' படம் மூலம் கதாநாயகியாக அறிமுகமானவர் ராஷ்மிகா மந்தனா. அதன் பிறகு 2018ல் வெளிவந்த 'சலோ' படம் மூலம் தெலுங்கில் கதாநாயகியாக அறிமுகமானார். குறுகிய காலத்தில் தெலுங்கில் அனைவரையும் கவர்ந்த கதாநாயகியாக உயர்ந்தார். 2021ல் வெளிவந்த 'சுல்தான்' படம் மூலம் தமிழிலும் அறிமுகமானார்.

தற்போது விஜய் ஜோடியாக 'வாரிசு' படத்தில் நடித்து வருகிறார் ராஷ்மிகா. மேலும் சில தமிழ்ப் படங்களில் அவரை நடிக்க வைக்க பேச்சு வார்த்தைகள் நடந்து வருகிறது.

இந்நிலையில் ஹிந்தியில் ராஷ்மிகா கதாநாயகியாக அறிமுகமாகும் 'குட் பை' படம் இன்று வெளியாகிறது. விகாஸ் பாஹி இயக்கியுள்ள இந்தப் படத்தில் அமிதாப் பச்சன், நீனா குப்தா, சுனில் குரோவர் மற்றும் பலர் நடிக்கிறார்கள். தனது முதல் ஹிந்திப் படத்திலேயே அமிதாப்புடன் நடிக்கும் வாய்ப்பு ராஷ்மிகாவுக்குக் கிடைத்துள்ளது. மேலும், முதல் ஹிந்திப் படம் வெளிவருவதற்கு முன்பே 'மிஷின் மஜ்னு, அனிமல்' ஆகிய ஹிந்திப் படங்களில் நடிக்கும் வாய்ப்பும் அவருக்குக் கிடைத்தது.

கடந்த வருடம் தெலுங்கில் தயாராகி பான் இந்தியா படமாக வெளிவந்த 'புஷ்பா' படம் ராஷ்மிகாவை வட இந்தியா பக்கமும் பிரபலமாக்கியது. அதனால், இன்று வெளியாகும் அவரது முதல் நேரடி ஹிந்திப் படமான 'குட் பை' படத்திற்கு நல்ல எதிர்பார்ப்பு ஏற்பட்டுள்ளது.

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி