Dinamalar

பாலிவுட் பாடகர் முகமது ரபியின் வாழ்க்கை சினிமா ஆகிறது

தென்னிந்தியாவில் எஸ்.பி.பாலசுப்ரமணியம் போன்று வட இந்தியாவில் முகமது ரபி. ஹிந்தியில் மட்டும் 28 ஆயிரம் பாடல்கள் பாடி உள்ளார். இது தவிர கொங்கனி, அஸ்ஸாமி, போஜ்புரி, ஒடியா, பெங்காலி, மராத்தி, சிந்தி, கன்னடம், குஜராத்தி, தமிழ், தெலுங்கு போன்ற பல மொழிகளில் 7,000 பாடல்களை பாடி உள்ளார். ஆங்கிலம், பாரசீகம், அரபு, சிங்களம், மொரிஷியன் கிரியோல் மற்றும் டச்சு உட்பட சில வெளிநாட்டு மொழிகளிலும் பாடினார். லதா மங்கேஷ்கர் பெண் குரல் என்றால் இவர் ஆண் குரலில் வட இந்திய மக்களை வசீகரித்தவர்.

பஞ்சாப் மாநிலத்தை சேர்ந்த முஸ்லிமான இவர் பல இந்து பக்தி பாடல்களையும் பாடி உள்ளார். அரசின் பத்ம விருதுகள், தேசிய திரைப்பட விருதுகள், கவுரவ டாக்டர் பட்டங்கள் பெற்றுள்ளார். 1924ம் ஆண்டு பிறந்த இவருக்கு இது 100வது ஆண்டு.

இதனை கொண்டாடும் வகையில் அவரது வாழ்க்கையை திரைப்படமாக உருவாக்க இருக்கிறார்கள். இந்த படத்தை உமேஷ் சுக்லா இயக்குகிறார். தற்போது இது அதிகாரபூர்வமாக அறிவிக்கப்பட்டுள்ளது. விரைவில் மற்ற விபரங்கள் வெளியிடப்பட இருக்கிறது.

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்