Dinamalar

தலிபான்கள் ஆட்சி எதிரொலி: ஆப்கன் மாப்பிள்ளையை நிராகரித்த பாலிவுட் நடிகை

ஆப்கானிஸ்தானை சேர்ந்த நடிகை அர்ஷிகான், பல வருடங்களுக்கு முன்பு குடும்பத்துடன் இந்தியாவில் செட்டிலானார். இந்தி பிக்பாஸ் 11வது சீசனில் கலந்து கொண்டதன் மூலம் பிரபலமானார். இடையில் பல தொலைக்காட்சி தொடர்களில் பங்கேற்றார். தமிழ் உள்ளிட்ட இந்திய மொழிகளில் தயாராவதாக இருந்த மல்லி மிஸ்து என்ற படத்தில் நடிக்க ஒப்பந்தமானார். தி லாஸ்ட் எம்பரரர் என்ற இந்தி படத்தில் நடித்தார். சில வெப் சீரிஸ்களிலும் நடித்துள்ளார். தற்போது இசை ஆல்பங்களை வெளியிட்டு வருகிறார்.

அர்ஷிகானுக்கும், ஆப்கானிஸ்தான் கிரிக்கெட் வீரர் ஒருவருக்கும் திருமணம் செய்து வைக்க பெற்றோர்கள் ஏற்பாடு செய்தனர். இந்த நிலையில் ஆப்கானிஸ்தானை தலிபான்கள் கைப்பற்றி உள்ளதால் திருமணத்தை அர்ஷிகான் ரத்து செய்துள்ளார்.

இதுகுறித்து அர்ஷிகான் கூறும்போது : ‛‛ஆப்கானிஸ்தான் கிரிக்கெட் வீரருடன் அக்டோபர் மாதம் திருமண நிச்சயதார்த்தம் நடக்க இருந்தது. தற்போது தலிபான்கள் ஆப்கானிஸ்தானை கைப்பற்றி இருப்பதால் திருமணத்தை நிறுத்திவிட்டோம். எனக்கு கணவராக வர இருந்தவரிடம் இனிமேல் நண்பர்களாக இருக்கலாம் என்று கூறிவிட்டேன். ஒரு இந்தியரை திருமணம் செய்து கொள்ள விரும்புகிறேன்'' என்று கூறியுள்ளார். அந்த கிரிக்கெட் வீரர் பற்றிய விபரங்களை அவர் வெளியிடவில்லை.

• 
  தீபாவளி மாதத்தில் வெளியாகும் அனிமேஷன் படம்
• 
  பிளாஷ்பேக்: கமர்ஷியல் ஆக்ஷன் படம் இயக்கிய விசு
• 
  முகபருவிற்கு உமிழ்நீர் மருந்து என்கிறார் தமன்னா
• 
  90வது பிறந்த நாளை கொண்டாடிய எம்.என்.ராஜம்
• 
  விஜய் தேவரகொண்டாவின் கிங்டம் படத்திற்கு பாதுகாப்பு கேட்டு மனு

• 
  விளம்பர வீடியோவில் உலக சாதனை படைத்த தீபிகா படுகோனே
• 
  500 கோடி வசூலைக் கடந்த 'சாயாரா'
• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா