Dinamalar

அஜித் பாணியில் டைட்டில் சென்டிமென்ட்டை பின்பற்றும் பிரித்விராஜ்

தமிழ் சினிமாவை பொருத்தவரை ஒவ்வொரு முன்னணி ஹீரோக்களுக்கும் தங்களது படங்களின் டைட்டிலை தேர்ந்தெடுத்து வைப்பதற்குள் போதும் போதும் என்றாகிவிடும். அதிலும் ஒரு படம் ஹிட்டாகி விட்டால் அதே பாணியிலோ அல்லது அதே முதல் எழுத்தில் ஆரம்பிக்கும் விதமாகவோ பட டைட்டில் அமையுமாறு பார்த்துக் கொள்வார்கள்.

அந்த வகையில் நடிகர் அஜித், இயக்குனர் சிவாவுடன் இணைந்து பணியாற்றிய வீரம், வேதாளம், விவேகம், விசுவாசம் என நான்கு படங்களின் முதலெழுத்தும் வி என வருமாறு சென்டிமென்டாக டைட்டில் வைப்பதை வழக்கமாக கொண்டிருந்தார். அதேசமயம் சிவாவின் படங்களுக்கு மட்டுமே அப்படி சென்டிமென்டை கடைபிடித்த அஜித் மற்ற இயக்குனர்களின் படங்களில் அதை பெரிதாக கண்டு கொள்ளவில்லை.

இதேபோல மலையாளத்தில் நடிகர் பிரித்விராஜும் தற்போது தனது படங்களில் டைட்டிலில் முதல் எழுத்து ஒரேபோல இருக்கும் விதமாக ஒரு சென்டிமெண்ட் கடைபிடித்து வருகிறார் என்றே தோன்றுகிறது. கடந்த சில மாதங்களுக்கு முன்பு ஷாஜி கைலாஷ் இயக்கத்தில் அவர் நடித்த கடுவா திரைப்படம் வெளியானது. அடுத்ததாக மீண்டும் ஷாஜி கைலாஷ் இயக்கத்தில் அவர் நடித்துள்ள காப்பா என்கிற படம் வெளியாக இருக்கிறது.

இதுதவிர ஏற்கனவே காளியன் என்கிற படத்தில் நடிக்க ஒப்புக் கொண்டு உள்ளார் பிரித்விராஜ். தற்போது புதிய அறிவிப்பாக புலிமுருகன் இயக்குனர் வைசாக் டைரக்ஷனில் கலிபா என்கிற படத்தில் பிரித்விராஜ் நடிக்க இருக்கிறார் என்கிற அறிவிப்பு வெளியானது. அந்த வகையில் தனது படங்களின் முதல் எழுத்து க அல்லது கா என ஆரம்பிக்கும் விதமாக ஒரு சென்டிமென்ட்டை பிரித்திவிராஜ் கடைபிடிக்கிறாறோ என்றே நினைக்க தோன்றுகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  வார் 2 படத்தால் நஷ்டமா... : தயாரிப்பாளர் விளக்கம்
• 
  விஜய் இதை பார்த்தால் நிச்சயம் ரசிப்பார் ; மோகன்லால் கொடுத்த கிரீன் ...
• 
  ஆந்திராவில் சினிமா தியேட்டர் டிக்கெட் கட்டணங்களில் மாற்றம்?
• 
  'ஆடு-3' படப்பிடிப்பில் நடிகர் விநாயகன் காயம் ; கொச்சி மருத்துவமனையில் ...
• 
  மறைந்த நடிகர் சீனிவாசனின் உண்மையான வயது என்ன? கிளம்பிய விவாதமும் தெளிந்த ...