Dinamalar

மோகன்லாலின் தோல்வி படங்களின் சாதனையை முறியடிக்குமா மலைக்கோட்டை வாலிபன்?

மோகன்லால் நடிப்பில் ஒரே சமயத்தில் தயாரிப்பிலும் ரிலீசுக்கு தயாராகவும் கிட்டத்தட்ட நான்கு படங்கள் இருக்கின்றன. தெலுங்கில் உருவாகி வரும் 'விருஷபா' மற்றும் மலையாளத்தில் 'லூசிபர்' இரண்டாம் பாகமாக உருவாகி வரும் 'எம்பிரான்' ஆகிய படங்கள் தற்போது படப்பிடிப்பில் இருக்கின்றன. அதே சமயம் மோகன்லால் இயக்கி நடித்துள்ள 'பரோஸ்' படத்தின் படப்பிடிப்பு முடிந்து டிசம்பரில் ரிலீஸ் ஆகும் என சொல்லப்படுகிறது. ஆனால் இந்த படங்களை எல்லாம் தாண்டி வித்தியாசமான படங்களை கொடுக்கும் இயக்குனர் லிஜோ ஜோஸ் பள்ளிசேரி இயக்கத்தில் மோகன்லால் நடித்துள்ள 'மலைக்கோட்டை வாலிபன்' படம் குறித்து தான் அவரது ரசிகர்கள் எதிர்பார்ப்பு அனைத்தும் குவிந்துள்ளது.

இந்த படத்தில் மல்யுத்த வீரராக நடித்துள்ளார் மோகன்லால். அதற்கு ஏற்றபடி படத்தில் வித்தியாசமான தோற்றத்திலும் அவர் நடித்துள்ளார். வரும் ஜனவரி 25ம் தேதி இந்த படம் ரிலீஸாக இருக்கிறது. இதற்கு முன்னதாக மோகன்லால் படங்களின் அதிகபட்ச முதல் நாள் வசூலாக 7.2 கோடி வசூலித்த 'ஒடியன்' திரைப்படமும் 6.5 கோடி வசூலித்த 'மரைக்கார்' திரைப்படமும் அடுத்தடுத்து இருக்கின்றன. இந்த இரண்டு படங்களுமே அதிக எதிர்பார்ப்பை ஏற்படுத்தி தோல்வியை தழுவிய படங்கள்.

அதற்குப் பிறகு வெளியான மோகன்லாலின் படங்கள் ஓடிடியில் நேரடியாக வெளியானபோது வரவேற்பை பெற்றன. திரையரங்குகளில் வெளியான படங்கள் சொல்லிக்கொள்ளும்படியான முதல்நாள் சாதனை எதையும் படைக்கவில்லை. இந்த நிலையில் ஜனவரி 25ல் மலைக்கோட்டை வாலிபன் திரைப்படம் 500க்கும் மேற்பட்ட திரையரங்குகளில் வெளியாக இருக்கிறது என்றும் ரசிகர்களிடம் இதற்கு ஏற்பட்டுள்ள கூடுதல் எதிர்பார்ப்பு காரணமாக ஏற்கனவே அவரது படங்கள் வைத்திருக்கும் முதல்நாள் வசூல் சாதனையை இந்த படம் முறியடிக்கும் என்றும் ரசிகர்கள் மட்டுமல்லாது திரையுலக வட்டாரத்திலும் பேசிக் கொள்கின்றனர்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை