Dinamalar

இரண்டாவது படத்திலேயே ஆக்ஷன் அவதாரம் எடுத்த பிரேமலு ஹீரோ

கடந்த பிப்ரவரி மாதம் மலையாளத்தில் பீல் குட் காதல் கதையாக வெளியான படம் பிரேமலு. ஒன்றிரண்டு படங்களில் மட்டுமே சின்ன சின்ன வேடங்களில் நடித்திருந்த நடிகை மமிதா பைஜூ இந்த படத்தில் கதாநாயகியாக நடித்து மிகப்பெரிய அளவில் ரசிகர்களின் மனம் கவர்ந்த நடிகையாக மாறினார். அதேபோல இந்த படத்தில் நஸ்லேன் என்பவர் அறிமுக கதாநாயகனாக நடித்திருந்தார். இந்த படத்தின் வெற்றியால் அவருக்கும் நல்ல பெயர் கிடைத்தது. இந்த நிலையில் மம்முட்டி நடித்த உண்ட மற்றும் டொவினோ தாமஸ் நடித்த தள்ளுமால ஆகிய படங்களை இயக்கிய இயக்குனர் காலித் ரஹ்மான் டைரக்ஷனில் உருவாகும் படத்தில் ஹீரோவாக நடிக்கிறார் நஸ்லேன்.

இந்த படத்திற்கு ஆலப்புழா ஜிம்கானா என டைட்டில் வைக்கப்பட்டுள்ளது. இந்த படத்தில் ஒரு பாக்ஸர் கதாபாத்திரத்தில் நடிக்கிறார் நஸ்லேன். இதற்காக அவர் தனது உடலை கட்டுமஸ்தாக மாற்றிக்கொண்டு முறைப்படி பாக்ஸிங் பயிற்சியும் பெற்றுள்ளார். தற்போது இந்த படத்தின் பர்ஸ்ட் லுக் போஸ்டர் வெளியாகி உள்ளது. முதல் படத்தில் சாக்லேட் பாயாக நடித்துவிட்டு இரண்டாவது படத்திலேயே இப்படி அவர் ஆக்ஷன் ஹீரோவாக மாறியுள்ளது ரசிகர்களிடையே ஆச்சரியத்தை ஏற்படுத்தியுள்ளது.

• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு

• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை
• 
  பரிசு அறிவிப்பதில் நடந்த குளறுபடி : மேடையில் கண்ணீர் விட்டு அழுத நடிகை
• 
  இலங்கை சுற்றுப்பயணத்தில் கூட்டத்தில் ஒருவனாக மாறிய மகேஷ்பாபு
• 
  எதிர்ப்பு வலுத்ததால் நடிகர் சங்க போட்டியில் இருந்து விலகிய வில்லன் ...