தமிழ் சினிமாவில் இந்த வார ஆதிக்கத்தில் ஸ்பைடர்மேன், புஷ்பா

15 டிச, 2021 - 01:00 IST

0 கருத்துகள் கருத்தைப் பதிவு செய்ய

எழுத்தின் அளவு:

2021ம் ஆண்டின் கடைசி சில வாரங்களில் இருப்பதால் சினிமா உலகம் மிகவும் பரபரப்பாக இருக்கிறது. தமிழ் சினிமாவில் பலரும் தங்களது படங்களை வெளியிட வேண்டும் என துடித்துக் கொண்டிருக்கிறார்கள். சுமார் 250 படங்கள் வரை வெளியீட்டிற்குத் தயாராக இருப்பதாகத் தகவல்.

இதனிடையே, இந்த வார வெளியீட்டில் தமிழ்ப் படங்களைத் தவிர வேற்று மொழிப் படங்களுக்குத்தான் வரவேற்பு அதிகமாக இருக்கிறது. ஹாலிவுட் படமான 'ஸ்பைடர்மேன் - நோ வே ஹோம்' படம் நாளை டிசம்பர் 16ம் தேதி தமிழ் மற்றும் ஆங்கிலத்தில் 2டி, 3டி தொழில் நுட்பங்களில் வெளியாகிறது. இதில் ஆங்கில மொழிப் படத்திற்கு மல்டிபிளக்ஸ் தியேட்டர்களில் பெரும் முன்பதிவு நடந்துள்ளது. நாளை முதல் ஞாயிற்றுக்கிழமை வரை இந்தப் படத்திற்கு சிறப்பான முன்பதிவு இருக்கும் என எதிர்பார்க்கப்படுகிறது. குழந்தைகளுக்குப் பிடித்த சூப்பர் ஹீரோவாக ஸ்பைடர் மேன் இருப்பதே இதற்குக் காரணம்.

அடுத்து, அல்லு அர்ஜுன், ராஷ்மிகா நடித்துள்ள தெலுங்குப் படமான 'புஷ்பா' தமிழில் டப்பிங் ஆகி டிசம்பர் 17ம் தேதி வெளியாக உள்ளது. இப்படத்திற்கும் ரசிகர்களிடம் எதிர்பார்ப்பு அதிகமாக உள்ளது. டப்பிங் படமாக இருந்தாலும் இப்படத்தின் பாடல்கள் ஹிட்டாகி ரசிகர்களிடம் சென்று சேர்ந்துள்ளது. நேற்று படத்தின் நாயகன் அல்லு அர்ஜுன் சென்னையில் நடந்த பத்திரிகையாளர் சந்திப்பிலும் கலந்து கொண்டார்.

இந்த வாரம் சில சிறிய தமிழ்ப் படங்கள்தான் வெளியாக உள்ளது. அவை, 'ஸ்பைடர்மேன், புஷ்பா' போட்டியை சமாளிக்க வாய்ப்பேயில்லை என்பதுதான் உண்மை.

SpiderManNoWayHome

Pushpatherise

கருத்துகள் (0) கருத்தைப் பதிவு செய்ய

'சாமி… சாமி'... ராஷ்மிகா வெளியிட்ட ...

ஓடிடியில் வெளியாகும் 'அன்பறிவு ', ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய