Dinamalar

ஓடிடியில் வெளியாகும் 'அன்பறிவு ', அடுத்து 'மாறன்'?

தமிழ் சினிமாவில் தரமான படங்களை வழங்கும் ஒரு நிறுவனம் சத்யஜோதி பிலிம்ஸ். இந்நிறுவனத்தின் தயாரிப்பில், அஷ்வின்ராம் இயக்கத்தில், ஹிப்ஹாப் தமிழா, நெப்போலியன், காஷ்மிரா பர்தேஷி மற்றும் பலர் நடிக்கும் படம் 'அன்பறிவு'.

கொரோனா காரணமாக இப்படத்தின் படப்பிடிப்பு தள்ளிப் போய் சமீபத்தில் தான் முடிவடைந்தது. தற்போது படத்தை ஓடிடி தளத்தில் வெளியிடுவதாக அறிவித்துள்ளனர். இதற்கு முன்பு ஹிப்ஹாப் தமிழா நடித்து வெளிவந்த 'சிவகுமாரின் சபதம்' படம் வியாபார ரீதியாக வெற்றி பெறவில்லை. அதனால், 'அன்பறிவு' படத்தை ஓடிடி தளத்தில் வெளியிட முடிவு செய்திருக்கலாம் என தகவல்கள் தெரிவிக்கின்றன.

சத்யஜோதி நிறுவனம் தயாரிப்பில், கார்த்திக் நரேன் இயக்கத்தில், தனுஷ், மாளவிகா மோகனன் மற்றும் பலர் நடித்துள்ள 'மாறன்' படமும் ஓடிடி தளத்தில்தான் வெளியாகும் என இதற்கு முன்பு தகவல் பரவியது. இரண்டு படங்களையும் சேர்த்துத்தான் ஹாட்ஸ்டார் நிறுவனம் பெரிய விலை கொடுத்து ஓடிடி உரிமைகளை வாங்கியுள்ளதாகச் சொல்கிறார்கள்.

தனுஷ் நடித்து கடைசியாக வெளிவந்த 'ஜகமே தந்திரம்' படம் ஓடிடி தளத்தில்தான் வெளியானது. அடுத்து 'மாறன்' படமும் ஓடிடியா என தனுஷ் ரசிகர்கள் இப்போதே தங்கள் வருத்தங்களை வெளிப்படுத்த ஆரம்பித்துவிட்டார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...