இலங்கையில் தயாரான சினம்கொள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

இலங்கையில் தயாரான சினம்கொள்

12 ஜன, 2022 - 08:37 IST

எழுத்தின் அளவு:

ஸ்கை மேஜிக் பட நிறுவனம் சார்பில் காயத்ரி ரஞ்சித் மற்றும் பாக்ய லட்சுமி டாக்கீஸ் நிறுவன சார்பில் பாக்ய லட்சுமி, வெங்கடேஷ் ஆகியோர் இணைந்து தயாரித்துள்ள படம் ‛சினம் கொள்'. ஆண்டவன் கட்டளை, மிக மிக அவசரம் போன்ற படங்களில் நடித்த அரவிந்த் இந்த படத்தில் முக்கிய கதாபாத்திரத்தில் நடித்துள்ளார். நர்வினி டெய்ரி, லீலாவதி, பிரேம் ஆகியோரும் நடித்துள்ளனர். எம்.ஆர்.பழனிகுமார் ஒளிப்பதிவு செய்துள்ளார், என்.ஆர்.ரகுநந்தன் இசை அமைத்துள்ளார்.

படம் பற்றி இயக்குனர் ரஞ்சித் ஜோசப் கூறியதாவது: 2009ல் இலங்கையில் நடந்த இறுதி போருக்கு பிறகு அங்கு எடுக்கப்பட்ட முதல் திரைப்படம் இது. யுத்தத்திற்கு பிறகு இன்றைய ஈழ மக்களின் வாழ்வியலை பேசும் படம். போரின் வடுக்களோடு வாழும் மக்களின் அவலத்தை மட்டுமல்லாது, போருக்கு பிறகு அவர்கள் சந்தித்த நெருக்கடிகளையும், பொருளாதார சிக்கல்களையும், சிறையிலிருந்து வெளிவந்த போராளிகளின் வாழ்வியலையும் சொல்லியிருக்கிறோம்.

இலங்கையில் தமிழர்கள் வாழும் பகுதியில் மட்டுமே படப்பிடிப்பை நடத்தி உள்ளோம். அங்கே படப்பிடிப்பை நடத்த மிகவும் சிரமப்பட்டோம் சிங்களர்களுக்கு எதிரான படம் என்று படப்பிடிப்பை நடத்த விடாமல் செய்துவிட்டார்கள். அதனால் சுமார் 10 நாட்களுக்கும் மேல் 75 பேருடன் யாழ்ப்பாணத்தில் சும்மா இருந்தோம். அதனால் எங்களுக்கு பண இழப்பும் ஏற்பட்டது. எப்படியோ படப்பிடிப்பை முடித்துவிட்டோம். படம் வருகின்ற 14ம் தேதி ஓடிடி தளத்தில் வெளியாகிறது. என்றார்.

SinamKoll

Shoot

SriLanka

இலங்கை

சினம்கொள்

கருத்துகள் (0) கருத்தைப் பதிவு செய்ய

குடும்ப பாசத்தை சொல்லும் 'தேள்'

ரைசா வில்சனுக்கு மீண்டும் கொரோனா

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய