Dinamalar

பேரு வச்சாலும் - 100 மில்லியனைக் கடந்த முதல் ரீமிக்ஸ் பாடல்

'ரீமிக்ஸ்' பாடல்கள் பற்றி ரசிகர்களுக்கு நன்றாகவே தெரிந்திருக்கும். இதற்கு முன்பு வெளியாகிய திரைப்படப் பாடல்களை இந்தக் காலத்திற்கேற்றபடி இசையில் சிற்சில மாற்றங்கள் செய்து வெளியிடுவதுதான் ரீமிக்ஸ். இந்த விதத்தில் பல சூப்பர் ஹிட் பாடல்கள், சுமாரான பாடல்கள் சில பல வருடங்களுக்குப் பிறகு ரீமிக்ஸ் செய்யப்பட்டுள்ளன.

ஆனால், அந்தப் பாடல்களுக்குக் கிடைக்காத ஒரு வரவேற்பும், பிரபலமும் 'டிக்கிலோனா' படத்தில் இடம் பெற்ற 'பேரு வச்சாலும்' பாடலுக்குக் கிடைத்துள்ளது. யு டியூபில் வெளியான இந்த வீடியோ பாடல் தற்போது 100 மில்லியன் பார்வைகளைக் கடந்துள்ளது. இதற்கு முன்பு தமிழில் வெளிவந்த எந்த ஒரு ரீமிக்ஸ் பாடலும் யு டியூபில் 100 மில்லியன் பார்வைகளைக் கடக்கவில்லை என்பது குறிப்பிட வேண்டிய ஒன்று. அந்த முதல் சாதனையை இந்தப் பாடல் நிகழ்த்தியுள்ளது.

தனது அப்பா இளையராஜா இசையமைத்து 1990ம் ஆண்டு கமல்ஹாசன் நான்கு வேடங்களில் நடித்து வெளிவந்த 'மைக்கேல் மதன காமராஜன்' படத்தில் இடம் பெற்ற ஒரு சிச்சுவேஷன் பாடல் 'பேரு வச்சாலும் வைக்காம போகாது மல்லி வாசம்'. அந்தப் பாடலை 'டிக்கிலோனா' படத்திற்காக ஒரு திருமணக் கொண்டாட்டப் பாடலாக இசையில் சில மாற்றங்களைச் செய்திருந்தார் யுவன். இப்பாடலுக்கு ரசிகர்களிடம் பெரிய வரவேற் கிடைத்தது. பாடலுக்கு நடனமாடிய சந்தானம், அனகா ஆகியோரும் கூட இந்தப் பாடலின் வரவேற்புக்கு ஒரு காரணம் என்றால் அது மிகையில்லை.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி