Dinamalar

சுதா கொங்கரா இயக்கும் படத்தில் அஜித்?

இறுதி சுற்று, சூரரைப் போற்று படங்களை இயக்கி பெரிய அளவில் பேசப்படும் இயக்குனராக உள்ள சுதா கொங்கரா, அடுத்ததாக சூர்யா உடன் இணைய உள்ளதாக ஏற்கனவே தகவல்கள் வெளிவந்தன. இதற்கிடையே சூரரைப் போற்று ஹிந்தி ரீமேக்கை இயக்குவதாகவும் ஒப்பந்தமானார். இது ஒருபுறம் இருக்க சூரரைப் போற்று வெற்றிக்கு பிறகு இசையமைப்பாளர் ஜீ.வி.பிரகாஷ், இயக்குனர் சுதா, நடிகர் அஜித்குமாருடன் இணைய இருப்பதாக கூறினார். அதன் பிறகு, இருவரும் இணையும் அந்த படத்திற்காக ரசிகர்கள் ஆவலுடன் எதிர்பார்த்து காத்திருந்தனர்.

ஆனால், அதற்குள்ளாக கேஜிஎப், கேஜிஎப் 2 படங்களை தயாரித்து இந்திய அளவில் கவனம் ஈர்த்துள்ள ஹொம்பலே பிலிம்ஸ் நிறுவனம், தங்களுடைய தயாரிப்பில் இயக்குனர் சுதா கொங்கரா ஒரு படம் இயக்கவிருப்பதாக அதிகாரப்பூர்வமாக அறிவித்தது. இது அஜித் உடன் இணையும் படமா அல்லது சூர்யாவை வைத்து எடுக்க உள்ள படமா என்பது குறித்து பெரும் எதிர்பார்ப்பு ஏற்பட்டது. ஆனால், சூர்யாவின் படத்தை அவரே தனது 2டி நிறுவனம் வாயிலாக தயாரிக்க இருப்பதாக கூறப்படுகிறது. இதனால், ஹொம்பலே பிலிம்ஸ் தயாரிக்கும் படம் அஜித் படமாக தான் இருக்கும் என ரசிகர்கள் எதிர்பார்த்து காத்திருக்கின்றனர்.

நடிகர் அஜித் தற்போது நேர்கொண்ட பார்வை, வலிமை படங்களை இயக்கிய ஹெச்.வினோத் இயக்கும் படத்திலும், அடுத்ததாக விக்னேஷ் சிவன் இயக்கும் படத்திலும் நடிக்க உள்ளார். இப்படங்களை முடித்த பிறகு சுதா கொங்கரா - அஜித் இணையும் படம் பற்றிய அறிவிப்பு வெளியாகும் என எதிர்பார்க்கப்படுகிறது.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  மாளவிகா மோகனனின் பிறந்தநாளுக்கு போஸ்டர் வெளியிட்டு அசத்திய மும்மொழி பட ...
• 
  50 வருடம் ஒருவர் சூப்பர் ஸ்டாராவே இருக்கிறாரே அதுதான் பெரிய விஷயம் ; கூலி ...
• 
  கவர்ச்சியாக நடித்தவர் கடவுளாக நடிக்கலமா? : துர்க்கை ஆக நடித்த கஸ்துாரி ...
• 
  லோகேஷ் கனகராஜின் புரமோஷன் பேட்டிகள் ; ஜாலியாக கிண்டலடித்த ரஜினிகாந்த்
• 
  மகேஷ்பாபுவை அடுத்து மல்டிபிளக்ஸ் தியேட்டர் திறந்த ரவி தேஜா