Dinamalar

சந்தோஷ் சிவன் என்றாலே சர்ப்ரைஸ் தான் ; மணிரத்னம் பாராட்டு

தளபதி படத்தில் இயக்குனர் மணிரத்னத்துடன் முதன்முதலாக இணைந்து பணியாற்றிய ஒளிப்பதிவாளர் சந்தோஷ் சிவன், அதைத்தொடர்ந்து அவரது ஆஸ்தான ஒளிப்பதிவாளராகவே இப்போதுவரை தொடர்கிறார். ஒரு பக்கம் ஒளிப்பதிவாளராக இருந்து கொண்டு இன்னொரு பக்கம் இயக்குனராக மாறி படங்களையும் இயக்கி வருகிறார் சந்தோஷ் சிவன்.

அந்த வகையில் தற்போது அவர் மலையாளத்தில் மஞ்சுவாரியர், காளிதாஸ் ஜெயராம் நடித்துள்ள ஜாக் அண்ட் ஜில் என்கிற படத்தை இயக்கியுள்ளார். இந்த படம் விரைவில் வெளிவர தயாராகி வருகிறது. இந்த நிலையில் இந்த படத்தின் டீசரை இயக்குனர் மணிரத்னம் வெளியிட்டுள்ளார். மேலும் சந்தோஷ் சிவனின் இந்த படம் குறித்து பாராட்டி ஒரு வீடியோவையும் வெளியிட்டு உள்ளார் மணிரத்னம்.

அதில் அவர் கூறும்போது, “சந்தோஷ் சிவன் ஜாக் அண்ட் ஜில் என்கிற புதிய படத்தை இயக்கியுள்ளார். இதுபோன்ற ஒரு பெயரில் அவரது படம் வருவதற்காகவே சந்தோஷ் சிவனை தாராளமாக நம்பலாம். ஆனால் அவர் என்ன விஷயத்தோடு இந்தப்படத்துடன் வருகிறார் என்பது உங்களுக்கு தெரியாது. அதேசமயம் அவர் எப்போதும் அளவற்ற ஆச்சரியங்களை கொடுக்கக் கூடியவர்.. அதனால் உங்களை பிரமிக்க வைப்பதை அவர் நிறுத்த மாட்டார். இந்த படத்தில் மஞ்சுவாரியார், காளிதாஸ் மற்றும் சௌபின் சாகிர் ஆகியோரும் இருக்கின்றனர். இந்த படத்தின் டீசரை வெளியிடுவதில் பெருமைப்படுகிறேன். ஆல் த பெஸ்ட்” என அந்த வீடியோவில் வாழ்த்தியுள்ளார் மணிரத்னம்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்