Dinamalar

விஜய் சேதுபதி, பகத் பாசிலுக்கு பரிசு இல்லையா மிஸ்டர் கமல்ஹாசன்?

தமிழ் சினிமா உலகில் கடந்த பல வருடங்களாக முன்னணி நடிகர்களில் ஒருவராக இருப்பவர் கமல்ஹாசன். அவர் நடித்து வெளிவந்த பல படங்கள் மாபெரும் வெற்றியையும், வரவேற்பையும் பெற்றுள்ளன. ஆனால், இதுவரையிலும் அவர் தனக்குக் கிடைத்த வெற்றிகளைக் கொண்டாடியதை விட 'விக்ரம்' படத்தின் வெற்றியை சிறப்பாகக் கொண்டாடி வருகிறார்.

படத்தை இயக்கிய லோகேஷ் கனகராஜுக்கு லெக்சஸ் கார், அவரது உதவி இயக்குனர்கள் 13 பேருக்கு அபாச்சி பைக், படத்தின் கிளைமாக்சில் ஒரே ஒரு காட்சியில் நடித்த சூர்யாவுக்கு ரோலக்ஸ் வாட்ச் என பரிசுகளை அள்ளிக் கொடுத்து வருகிறார்.

ஆனால், படத்தில் முக்கிய கதாபாத்திரங்களில் சிறப்பாக நடித்து படத்தின் வெற்றிக்கும் வரவேற்புக்கும் உறுதுணையாக இருந்த விஜய் சேதுபதி, பகத் பாசில் ஆகியோருக்கு கமல்ஹாசன் பரிசு ஏதும் தர மாட்டாரா என சமூக வலைத்தளங்களில் ரசிகர்கள் கேள்வி எழுப்பி வருகிறார்கள். மேலும், படத்திற்கு இசையமைத்த அனிருத்திற்கும் பரிசு கிடையாதா என்ற கேள்வியும் எழுகிறது.

கமல்ஹாசன் இப்படி பரிசுகளை அள்ளித் தருவது இன்னொரு பக்கம் சில பல சர்ச்சைகளையும் ஏற்படுத்தி உள்ளது. விஜய் நடித்து வெளிவந்த 'பீஸ்ட்' படத்தின் வெற்றிக்காக விஜய் விருந்து மட்டும் வைத்தார். ஆனால், படத்தின் இயக்குனர் நெல்சனுக்கு ஏன் எந்தப் பரிசும் தரவில்லை என பலர் கிண்டலடித்து வருகிறார்கள்.

ஒரு காலத்தில் அஜித் அவருடைய படங்கள் வெற்றி பெறும் போது அப்பட இயக்குனர்களுக்கு கார் பரிசளிப்பார். அதன்பின் அவரும் அதை நிறுத்திவிட்டார். தற்போது கமல்ஹாசன் இப்படி பரிசளித்துள்ளதால் இனி விஜய், அஜித், ரஜினிகாந்த் ஆகியோரும் படம் வெற்றி பெறும் போது இயக்குனர்களுக்கும், உதவி இயக்குனர்களுக்கும் என்ன பரிசளிப்பார்கள் என்ற கேள்வி தானாக எழும்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!