Dinamalar

உயிரே... உறவே... தமிழே... : நன்றி சொன்ன கமல்

லோகேஷ் கனகராஜ் இயக்கத்தில் கமல் நடிப்பில் சமீபத்தில் வெளியான விக்ரம் படம் மிகப்பெரிய வெற்றியைப் பெற்றுள்ளது. இந்த படம் கமல் படங்களிலேயே அதிக வசூலை பெற்ற படமாக அமைந்துள்ளது. மேலும் நான்கு ஆண்டுகளுக்கு பின் வெளியான கமல் படம் அவருக்கு கம்பேக் கொடுத்துள்ள படமாகவும் அமைந்துள்ளது. இதற்காக தொடர்ந்து நன்றி தெரிவித்து வருகிறார் கமல்ஹாசன். ஏற்கனவே படம் வெளியான ஐந்து மொழிகளில் நன்றி தெரிவித்து வீடியோ வெளியிட்டு இருந்தார் கமல்ஹாசன். இப்போது உலகளவில் வெளியிடப்பட்ட நாடுகளிலும் விக்ரம் படத்திற்கு வரவேற்பு கிடைத்துள்ளது. இதற்காகவும் தமிழ் சொந்தங்களுக்கு நன்றி தெரிவித்து ஒரு வீடியோவை கமல் இப்போது வெளியிட்டுள்ளார்.

அதில் அவர் பேசியிருப்பதாவது : தமிழர்கள் இல்லாத நாடு இல்லை. தேன் மதுர தமிழோசை ஒலிக்காத ஊரில்லை எனும் அளவுக்கு உலகம் முழுக்க பரந்து விரிந்துள்ள என் தமிழ் சொந்தங்களுக்கு என் வணக்கம். திரையிடப்பட்ட நாடுகளில் எல்லாம் விக்ரம் படம் மிகப்பெரிய வெற்றியை பெற்றுள்ளது. இந்த பிரம்மாண்ட வெற்றியை எனக்கு பரிசளித்த என் தொப்புள் கொடி உறவுகள் அனைவருக்கும் என் நெஞ்சார்ந்த நன்றிகளை தெரிவித்து கொள்கிறேன். சிறந்த படங்கள் மூலம் உங்களை தொடர்ந்து என்டர்டெயின்ட் செய்வேன். இதுவே நான் உங்களுக்கு செய்யும் நன்றி என அறிவேன். அதை செய்வேன். உயிரே, உறவே, தமிழே நன்றி.

இவ்வாறு கூறியுள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!