Dinamalar

இரண்டு ஓடிடி தளங்களில் 'ஆர்ஆர்ஆர்' உரிமை : திரையுலகினர் அதிர்ச்சி

ராஜமவுலி இயக்கத்தில், ஜுனியர் என்டிஆர், ராம் சரண், ஆலியா பட் மற்றும் பலர் நடித்து வெளிவந்த படம் 'ஆர்ஆர்ஆர்'. இப்படத்தின் ஓடிடி உரிமையை விற்கும் போது ஹிந்தி உரிமையை நெட்பிளிக்ஸ் ஓடிடி நிறுவனத்திற்கும், தமிழ், தெலுங்கு, கன்னடம், மலையாளம் ஆகிய உரிமையை 'ஜீ 5' நிறுவனத்திற்கும் விற்றார்கள்.

இந்நிலையில் தமிழ், தெலுங்கு, கன்னடம், மலையாள பதிப்புகள் டிஸ்னி பிளஸ் ஹாட்ஸ்டார் தளத்திலும் நேற்று முதல் தனது ஒளிபரப்பை ஆரம்பித்தது. முதலில் ஜீ 5 நிறுவனத்திற்கு வழங்கப்பட்ட இந்த நான்கு மொழி உரிமைகளும் மற்றுமொரு போட்டி நிறுவனத்திற்கும் மாறியது குறித்து திரையுலகில் அதிர்ச்சியும் சர்ச்சையும் எழுந்தது.

முதலில் உரிமையை வாங்கிய ஜீ 5 நிறுவனம் தான் தனது உரிமைகளை டிஸ்னி பிளஸ் ஹாட்ஸ்டார் நிறுவனத்திற்கும் 'ஷேர்' செய்துள்ளது என்று தகவல் வெளியாகி உள்ளது. இந்த 'ஷேர்' உரிமை விற்பனை மூலம் அந்த நிறுவனம் மேலும் சில பல கோடிகளைப் பெற்றுள்ளதாம். இந்த 'ஷேர்' உரிமை விற்பனையால் படத்தின் தயாரிப்பாளருக்கு எந்த வருமானமும் இல்லையாம்.

எனவே, இனி வரும் காலங்களில் ஓடிடி உரிமைகளுக்காகப் போடப்படும் ஒப்பந்தங்களில் சில மாற்றங்களைச் செய்தாக வேண்டும் என தயாரிப்பாளர்கள் முடிவு செய்துள்ளார்களாம். அப்படி மாற்றி விற்கும் போது தயாரிப்பாளர்களுக்கும் வருமானம் வரும் வகையில் மாற்றங்களைச் செய்ய வேண்டும் என பல தயாரிப்பாளர்கள் பேசி வருகிறார்களாம்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி