Dinamalar

நீண்ட இடைவெளிக்குப் பிறகு ஒரே ஆண்டில் தனுஷின் அதிகப் படங்கள் ரிலீஸ்

தமிழில் மட்டுமல்லாது சர்வதேச அளவிலும் தடம் பதித்துள்ளவர் தனுஷ். இரண்டு தேசிய விருதுகள், நடிப்பு, தயாரிப்பு, இயக்கம், பாடல் எழுதுவது, பாடுவது என பல திறமைகளுடன் சினிமாவில் தனக்கென ஒரு தனி இடத்தைப் பிடித்துள்ளார்.

ஆரம்ப கால கட்டங்களில் விஜய்க்குப் பிறகு அதிக விமர்சனங்களையும், எதிர்மறை கருத்துக்களையும் சந்தித்தவர் தனுஷ். அதன் பிறகு படிப்படியாக தனது திறமைகளை வளர்த்துக் கொண்டு இன்றுள்ள சிறந்த நடிகர்களில் அவரும் ஒருவர் என பாராட்டப்படுகிறார்.

தனுஷ் நடித்து 2011ம் ஆண்டுக்குப் பிறகு ஒரே ஆண்டில் அதிகப் படங்கள் வெளியாவது இந்த 2022ம் வருடத்தில் நடக்க உள்ளது. 2002ல் 'துள்ளுவதோ இளமை' படம் மூலம் அறிமுகமான தனுஷ் நடிப்பில் 2011ம் வருடத்தில்தான் அதிகப் படங்கள் வெளிவந்தன. அந்த ஆண்டில் “ஆடுகளம், மாப்பிள்ளை, வேங்கை, மயக்கம் என்ன” ஆகிய படங்கள் வெளிவந்தன. 'சீடன்' படத்தில் சிறப்புத் தோற்றத்தில் நடித்திருந்தார். மொத்தமாக 5 தமிழ்ப் படங்கள்.

அதற்குப் பிறகு 2015ம் ஆண்டில் ''அனேகன், மாரி, தங்கமகன்” ஆகிய படங்கள் வெளிவந்தன. ஹிந்தியில் 'ஷமிதாப்' திரைப்படமும், சிறப்புத் தோற்றத்தில் நடித்த 'வை ராஜா வை' படமும் வெளிவந்தன. மொத்தமாக 4 தமிழ்ப் படங்கள், ஒரு ஹிந்திப் படம்.

அடுத்து இந்த 2022ம் ஆண்டில் தனுஷ் நடிப்பில் “மாறன், திருச்சிற்றம்பலம்” ஆகிய படங்கள் வெளிவந்தன. அடுத்து 'நானே வருவேன்' படம் இம்மாதக் கடைசியில் வெளியாக உள்ளது. இப்படத்திற்கான வெளியீட்டுத் தேதி இன்னும் அறிவிக்கப்படவில்லை. ஆனால், அதற்கு முன்பே தனுஷ் நடித்து வரும் மற்றொரு படமான 'வாத்தி' படம் டிசம்பர் 2ம் தேதி வெளியாகும் என அறிவித்துவிட்டார்கள். இத்துடன் சேர்த்தால் தனுஷ் நடித்து இந்த ஆண்டில் நான்கு தமிழ்ப் படங்களும், 'த கிரே மேன்' ஆங்கிலப் படமும் அவருடைய கணக்கில் சேரும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா