Dinamalar

பிரபாஸின் 'ஆதி புருஷ்' தள்ளிப் போக வாய்ப்பு?

ஓம் ராவத் இயக்கத்தில், பிரபாஸ், கீர்த்தி சனோனன், சைப் அலிகான் மற்றும் பலர் நடிப்பில் உருவாகி வரும் படம் 'ஆதி புருஷ்'. இப்படம் 2023 பொங்கலை முன்னிட்டு ஜனவரி 12ம் தேதி வெளியாகும் என்று அறிவித்திருந்தார்கள். ஆனால், தற்போது படம் தள்ளிப் போகலாம் என தகவல்கள் வெளியாகி உள்ளது.

மோஷன் கேப்சரிங் முறையில் உருவாக்கப்படும் இந்தப் படத்தின் டீசர் வெளிவந்ததும் சில பல சர்ச்சைகளை உருவாக்கியது. விஎப்எக்ஸ் மிக மோசமாக உள்ளது என்றும் கமெண்ட்டுகள் வந்தன. அதன் பிறகு படத்தின் டீசரை 3 டி வடிவில் மும்பை, ஐதராபாத் பத்திரிகையாளர்களுக்குப் போட்டுக் காட்டினர்.

இந்நிலையில் விஎப்எக்ஸ் காட்சிகளை உலகத் தரத்தில் உருவாக்கவும், சர்ச்சைகளை ஏற்படுத்திய சில விஷயங்களை சரி செய்யவும் படத்தைத் தள்ளி வைக்க படக்குழு முடிவு செய்துள்ளதாகத் தகவல் வெளியாகி உள்ளது. 2023 கோடை விடுமுறையில் படத்தை வெளியிடலாம் என யோசித்து வருகிறார்களாம்.

மேலும், பொங்கலுக்கு தமிழ், தெலுங்கில் பெரிய நடிகர்களின் படங்களும் வெளியாகிறது. 'ஆதி புருஷ்' படத்தை எந்தப் போட்டியும் இல்லாமல் தனித்து வெளியிட வேண்டும் என்பதும் ஒரு காரணமாக இருக்கும் என்கிறார்கள். புதிய வெளியீட்டுத் தேதி குறித்து விரைவில் அறிவிப்பு வரலாம் என்று பாலிவுட் தகவல்கள் தெரிவிக்கின்றன.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!