Dinamalar

முதல்வர் வேடத்தில் விஜய்சேதுபதி?

ஆந்திர மாநில முதல்வர்களாக இருந்த என்.டி.ராமராவ், ஒய்.எஸ்.ராஜசேகர ரெட்டி ஆகியோர் வாழ்க்கை சினிமா ஆகியுள்ளது. தமிழ்நாட்டில் காமராஜர், ஜெயலலிதா வாழ்க்கை சினிமா ஆகியுள்ளது. அந்த வரிசையில் தற்போது கர்நாடக மாநில முன்னாள் முதல்வர் சித்தாராமையாவின் வாழ்க்கையை திரைப்படமாக்கும் முயற்சி மேற்கொள்ளப்பட்டு வருகிறது.

"என்னுடைய வாழ்க்கையை சினிமாவாக நடிக்க சிலர் முன்வந்தார்கள். நான் வேண்டாம் என்று சொல்லியிருக்கிறேன். அப்படியே எடுத்தாலும் அதில் நான் நடிக்க மாட்டேன்" என்று கூறியிருந்தார் சித்தாராமய்யா.

ஆனாலும் சித்தாராமய்யாவின் நண்பரும், தயாரிப்பாளருமான சிவராஜ் தங்கடகி முழுமூச்சாக இந்த முயற்சியில் இறங்கி உள்ளார். அதோடு சித்தாராமையாவாக நடிக்க அவரைப்போன்ற சாயலும் உடல் அமைப்பும் கொண்ட விஜய் சேதுபதியை நடிக்க வைக்கவும் முயற்சி மேற்கொண்டுள்ளதாக கூறப்படுகிறது.

இதுகுறித்து சிவராஜ் கூறியிருப்பதாவது: 'தற்போது தேர்தல் நேரம் என்பதால் இதுகுறித்து அவர் பேசுவதைத் தள்ளி வைத்திருக்கிறோம். ஆனால், டிசம்பர் முதல் வாரத்தில் நாங்கள் மீண்டும் இது குறித்து பேசவுள்ளோம்” என்றார்.

ஜெயலலிதாவாக இமாச்சல பிரதேசத்தை சேர்ந்த கங்கனா நடித்ததும், ஒய்.எஸ்.ராஜசேகர ரெட்டியாக கேரளாவை சேர்ந்த மம்முட்டி நடித்ததும் குறிப்பிடத்தக்கது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...