Dinamalar

நடிகை காயத்ரி ரகுராமின் பதவியை கைப்பற்றிய இசையமைப்பாளர் தினா!

சின்னத்திரையில் சித்தி , அண்ணாமலை, மெட்டிஒலி உட்பட பல தொடர்களுக்கு இசையமைத்தவர் தினா. அதன் பிறகு சினிமாவிலும் ஏராளமான படங்களுக்கு இசையமைத்தார். குறிப்பாக தனுஷ் நடித்த திருடா திருடி படத்தில் அவரது இசையில் உருவான மன்மதராசா பாடல் மற்றும் விஜய் நடித்த திருப்பாச்சியில் இடம்பெற்ற கும்பிட போன தெய்வம் உள்ளிட்ட பல பாடல்கள் பட்டி தொட்டி எல்லாம் கலக்கி எடுத்தன. இந்த நிலையில் சமீபகாலமாக பாரதிய ஜனதா கட்சியில் தன்னை இணைத்துக் கொண்டு அந்த கட்சியின் போராட்டங்கள் கூட்டங்களில் எல்லாம் கலந்து கொண்டு வந்தார் இசையமைப்பாளர் தினா.

இந்த நிலையில் சமீபத்தில் பாரதி ஜனதா கட்சியின் வெளிநாட்டு மற்றும் அண்டை மாநில தமிழ் வளர்ச்சி பிரிவின் மாநில தலைவர் பதவியில் இருந்து வந்த நடிகையும் நடன மாஸ்டருமான காயத்ரி ரகுராமை ஆறு மாதங்களுக்கு சஸ்பெண்ட் செய்திருந்தார் பா.ஜ.,வின் மாநில தலைவர் அண்ணாமலை. அதனால் ஆறு மாதங்களுக்கு பிறகு அவர் மீண்டும் கட்சியில் இணைத்துக் கொள்ளப்படுவார் என்று எதிர்பார்க்கப்பட்டது. ஆனால் தற்போது பா.ஜ., தலைவர் அண்ணாமலை வெளியிட்டுள்ள ஒரு அறிக்கையில், காயத்ரி ரகுராம் வகித்த வெளிநாட்டு மற்றும் அண்டை மாநில தமிழ் வளர்ச்சி துறையின் மாநில தலைவராக இசையமைப்பாளர் தினாவை நியமனம் செய்திருப்பதாக அறிவித்திருக்கிறார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...