Dinamalar

லியோ அறிவிப்பு பாடல் உருவான விதத்தை வெளியிட்ட அனிருத்

லோகேஷ் கனகராஜ் இயக்கத்தில் விஜய் நடித்து வரும் லியோ படத்தின் படப்பிடிப்பு தற்போது காஷ்மீரில் நடைபெற்று வருகிறது. விஜய்யுடன் திரிஷா, சஞ்சய் தத், அர்ஜுன், கவுதம் மேனன், மன்சூரலிகான் உட்பட பலர் நடிக்கும் இந்த படத்திற்கு அனிருத் இசையமைக்கிறார். லியோ படத்தின் டைட்டில் அறிவிப்பு சமீபத்தில் வீடியோவாக வெளியிடப்பட்டதிலிருந்து இப்படம் குறித்த எதிர்பார்ப்புகள் அதிகரித்திருப்பதோடு, இந்த லியோ படம் எந்த மாதிரியான கதையில் உருவாகி வருகிறது என்பதையும் ரசிகர்கள் உற்று நோக்கத் தொடங்கி விட்டார்கள்.

சமீபத்தில் விக்ரம் படத்தின் திரைக்கதை புத்தகத்தில் பகத் பாசிலை காஷ்மீரில் சந்தித்ததாக ஜோஸ் பேசும் வசனங்களை பகிர்ந்து , அந்த இடத்தில் இருந்து லியோ படம் துவங்கும் என்றும் ரசிகர்கள் கணிக்க தொடங்கி விட்டார்கள். மேலும் லோகேஷ் கனகராஜின் முந்தைய படங்களான மாஸ்டர், விக்ரம் படங்களின் வெற்றிக்கு அனிருத்தின் இசை பெரும் பங்கு வகித்தது. அந்த அளவுக்கு தனது பாடல்கள் மூலம் படங்களுக்கு பெரிய அளவில் வலு சேர்த்தார் அனிருத்.

அதேபோல் லியோ படத்தின் பிரமோ வீடியோவில் இடம்பெற்ற அனிருத்தின் பாடல் ரசிகர்களை பெரிய அளவில் கவர்ந்ததை அடுத்து அந்த பாடலை தனி பாடலாக வெளியிடுமாறு அவரை கேட்டுக் கொண்டு வந்தார்கள். இந்த நிலையில் தற்போது அந்த பாடல் உருவான விதத்தை ஒரு வீடியோ மூலம் வெளியிட்டு இருக்கிறார் அனிருத்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...
• 
  தி ராஜா சாப் படத்தில் பைரவி ஆக மாளவிகா மோகனன்
• 
  தயாரிப்பாளரை நடிகராக மாற்றும் பாண்டிராஜ்
• 
  ஷங்கர் மகனுக்கு ஜோடியாகும் இளம் நாயகி
• 
  குருநாதருக்கு நன்றி செலுத்தும் மிஷ்கின்