Dinamalar

தொகுப்பாளரின் ஜோக்குகளுக்கு முன்கூட்டியே கடிவாளம் போட்ட ஆஸ்கார் விருதுக்குழு

சமீபத்தில் 95வது ஆஸ்கர் விருது வழங்கும் விழா நடைபெற்று முடிந்துள்ளது. ஆர்ஆர்ஆர் மற்றும் தி எலிபன்ட் விஸ்பரர்ஸ் என இந்தியாவை சேர்ந்த இரண்டு படங்கள் ஆஸ்கர் விருது பெற்றதை இந்திய ரசிகர்கள் உற்சாகமாக கொண்டாடி வருகின்றனர். இந்த நிகழ்வில் ஆர்ஆர்ஆர் படத்தை பாலிவுட் படம் என மேடையில் குறிப்பிட்டதற்காக தெலுங்கு ரசிகர்கள் பலரும் தங்களது கண்டனத்தை தெரிவித்து வருகின்றனர்.

இந்த நிலையில் இந்த நிகழ்ச்சியை தொகுத்து வழங்கிய தொகுப்பாளர் ஜிம்மி கிம்மல் நிகழ்ச்சிகளை தொகுத்து வழங்கும்போது நகைச்சுவை என்கிற பெயரில் யாரையும் புண்படுத்தி விடக்கூடாது என அறிவுறுத்தப்பட்டு அவர் தயார் செய்து வைத்திருந்த சில ஜோக்குகளுக்கு முன்கூட்டியே கடிவாளமும் போடப்பட்டதாக இந்த விழா ஏற்பாட்டினை கவனித்துக் கொண்ட தயாரிப்பாளர் ஒருவர் கூறியுள்ளார்.

கடந்த வருடம் ஆஸ்கர் விருது வழங்கும்போது அந்த நிகழ்ச்சியை தொகுத்து வழங்கிய நகைச்சுவை நடிகர் கிரிஸ் ராக் ஹாலிவுட் நடிகர் வில் ஸ்மித் மனைவியை பற்றி நகைச்சுவையாக பேசுவதாக நினைத்துக்கொண்டு உருவ கேலி செய்தார். இதற்கு உடனடியாக எதிர்வினை ஆற்றிய வில் ஸ்மித் அனைவர் முன்னிலையிலும் கிரிஷ் ராக்கை கன்னத்தில் அறைந்த நிகழ்வு மிகப்பெரிய அதிர்ச்சியை ஏற்படுத்தியது. விருது வழங்கும் விழா முடிந்த பின்னரும் கூட பல நாட்கள் இது பற்றி உலகெங்கிலும் பேசப்பட்டது. இந்தமுறை இது போன்ற சங்கடம் தரும் நிகழ்வுகள் எதுவும் நடந்து விடக்கூடாது என்பதில் உறுதியாக இருந்த ஆஸ்கர் விருது விழா ஒருங்கிணைப்பு குழுவினர் முன்கூட்டியே ஜிம்மி கிம்மலிடம் இதுகுறித்து எச்சரிக்கை செய்துவிட்டனர்.

இதுகுறித்து விழா மேடையில் ஜிம்மி கிம்மல் பேசும்போது கூட இங்கே யாராவது ஒருவர் எந்த நேரத்திலாவது வன்முறை காட்ட நினைத்தால் அவருக்கும் சிறந்த நடிகருக்கான ஆஸ்கர் விருது வழங்கப்படும். மேலும் 19 நிமிடம் நீண்ட உரையாற்றவும் அனுமதிக்கப்படும் என்றும் கிண்டலுடன் குறிப்பிட்டார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...