Dinamalar

வயதை வெளியே சொல்லாதீர்கள் : இளம் நடிகரிடம் சமந்தா வேண்டுகோள்

நடிகை சமந்தா நடிப்பில் இயக்குனர் குணசேகர் இயக்கியுள்ள சாகுந்தலம் திரைப்படம் ஏப்ரல் 14ஆம் தேதி வெளியாக இருக்கிறது. இந்த படத்தில் கதாநாயகனாக மலையாள திரையுலகை சேர்ந்த தேவ் மோகன் என்பவர் நடித்துள்ளார். முக்கிய வேடங்களில் அதிதி பாலன், பிரகாஷ்ராஜ், மதுபாலா உள்ளிட்ட பலர் நடித்துள்ளனர். இந்த படத்தின் ரிலீஸ் தேதி நெருங்கி வருவதை முன்னிட்டு கடந்த சில நாட்களாகவே புரமோஷன் நிகழ்ச்சிகளில் சமந்தா உள்ளிட்ட படக்குழுவினர் தொடர்ந்து கலந்து கொண்டு வருகின்றனர்.

இந்த நிலையில் சமீபத்தில் கொச்சியில் நடைபெற்ற இந்த படத்தின் புரமோஷன் நிகழ்ச்சியில் படத்தின் நாயகன் தேவ் மோகன் பேசும்போது, “நான் கல்லூரியில் படித்துக்கொண்டிருந்தபோது நான் ஈ படம் வெளியானது. அப்போதே சமந்தாவின் நடிப்பையும் அழகையும் பிரமித்து பார்த்தேன். இப்போது அவருடன் இணைந்து ஜோடியாக நடித்துள்ளேன் என்பதை என்னால் நம்ப முடியவில்லை” என்று கூறினார்.

அதற்கு பின் பேசிய சமந்தா, ‛‛இப்படி பொது இடங்களில் வயதை வெளிப்படுத்தும் விதமாக பேசக்கூடாது'' என தேவ் மோகனுக்கு ஜாலியான ஒரு எச்சரிக்கை கலந்த வேண்டுகோளை வைத்தார்.

நடிகை சமந்தாவுக்கு வயது 35 என்பதும், நாயகன் தேவ் மோகனுக்கு 30 வயது தான் என்பதும் இங்கே குறிப்பிடத்தக்கது.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  திருமணமா...? வதந்திகளை பரப்பாதீர்கள் : அனிருத்
• 
  சூர்யாவின் 'டிராப் இயக்குனர்கள்' பட்டியலில் இணைகிறாரா வெற்றிமாறன்?
• 
  ஓடிடியில் அதிக தொகைக்கு விற்பனையான அனுஷ்காவின் காட்டி
• 
  இயக்குனர் அட்லிக்கு கவுரவ டாக்டர் பட்டம்
• 
  பறந்து போ படத்தில் யுவன் இல்லாதது ஏன்? ராம் விளக்கம்