Dinamalar

இந்தியன் 2 : கமலுடன் மீண்டும் நடித்த மகிழ்ச்சியில் காளிதாஸ் ஜெயராம்

மலையாள நடிகர் ஜெயராமின் மகன் காளிதாஸ் ஜெயராம் குழந்தை நட்சத்திரமாக மலையாளத்தில் பல படங்களில் நடித்திருந்தாலும் முதன்முறையாக தமிழில் ஒரு பக்க கதை என்கிற படத்தில் தான் கதாநாயகனாக அறிமுகமானார். அந்த படம் வெளியாக தாமதமான சூழ்நிலையில் அதைத்தொடர்ந்து சில படங்களில் நடித்தாலும் அவர் பெயர் சொல்லும் அளவிற்கு அமையவில்லை.

அதே சமயம் லோகேஷ் கனகராஜ் இயக்கத்தில் வெளியான விக்ரம் படத்தில் கமலின் மகனாக முக்கிய கதாபாத்திரத்தில் நடித்தது அவரை வெகுவாக ரசிகர்களிடம் கொண்டு சேர்த்தது. இந்தநிலையில் தற்போது இந்தியன் 2 படத்தில் மீண்டும் கமலுடன் இணைந்து நடித்துள்ளார் காளிதாஸ் ஜெயராம்.

இந்த அனுபவம் குறித்து அவர் கூறும்போது, “கமல் சாருடன் இந்த படத்தில் மீண்டும் இணைந்து நடித்தது மகிழ்ச்சியான ஒன்று. அவருடன் நடிக்கும்போது நம்முடையை வீட்டிற்கு திரும்பி செல்வது போன்ற ஒரு உணர்வு ஏற்பட்டது.. அதுமட்டுமல்ல ஷங்கர் சாரின் படங்களை பார்த்து சிறுவயதிலிருந்தே வளர்ந்தவன் நான். இந்த இருவருடனும் ஒரே செட்டில் இணைந்து பணியாற்றிய அனுபவம் ஒவ்வொரு நாளும் ஒரு ரசிகனாகவே நான் மாறிய தருணமாக இருந்தது” என்று கூறியுள்ளார்..

நடிகர் கமல் கடந்த 35 வருடங்களுக்கு முன்பே மலையாளத்தில் ஜெயராமுடன் சாணக்யன் என்கிற படத்தில் இணைந்து நடித்திருந்தார். அதைத்தொடர்ந்து தமிழில் ஜெயராமுக்கு தன்னுடைய தெனாலி, பஞ்சதந்திரம், உத்தம வில்லன் ஆகிய படங்களில் முக்கிய கதாபாத்திரங்கள் கொடுத்து நடிக்க வைத்தார். ஜெயராமை போலவே தற்போது அவரது மகன் காளிதாஸையும் கமல் அரவணைத்து செல்வது ஆச்சரியமான ஒன்றுதான்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...