Dinamalar

விரைவில் அம்மா ஆகப் போகும் 'நண்பன்' நாயகி இலியானா

2006ம் ஆண்டில் வெளிவந்த 'கேடி' படத்தின் மூலம் தமிழ் சினிமாவில் கதாநாயகியாக அறிமுகமானவர் இலியானா. அதற்குப் பிறகு பல தெலுங்குப் படங்களிலும், ஹிந்திப் படங்களிலும் நடித்தார். ஹிந்தியில் 'பார்பி' படம் அவருக்குப் பெரிய வெற்றியைக் கொடுத்தது.

'கேடி' படத்திற்குப் பிறகு தமிழில் ஷங்கர் இயக்கத்தில், விஜய் ஜோடியாக 'நண்பன்' படத்தில் மட்டுமே நடித்தார். அதற்குப் பிறகு தமிழில் வேறு எந்தப் படத்திலும் அவர் நடிக்கவில்லை. கடந்த சில வருடங்களாகவே அவருக்கு அதிக வாய்ப்புகள் வரவில்லை.

இன்ஸ்டாகிராம் தளத்தில் அவ்வப்போது கிளாமரான, கவர்ச்சியான புகைப்படங்களைப் பதிவிட்டு ரசிகர்களுடன் தொடர்பிலேயே இருந்தார். கடந்த சில வருடங்களாக ஆன்ட்ரூ நீபோன் என்பவரைக் காதலித்து வந்தார் இலியானா. ஆனால், அவர்கள் இருவரும் 2019ல் பிரிந்துவிட்டதாகத் தகவல்.

அதற்கடுத்து ஹிந்தி நடிகையான காத்ரினா கைப் சகோதரர் செபாஸ்டியன் லாரன்ட் மைக்கேல் என்பவரைக் காதலித்து வருவதாக சொல்லப்படுகிறது. இந்நிலையில் ஒரு குழந்தை சட்டை மற்றும் மாமா என்ற டாலர் உள்ள செயின் ஆகியவற்றைப் பகிர்ந்து “விரைவில்…. என்னுடைய லிட்டில் டார்லிங்கை சந்திக்கக் காத்திருக்க முடியவில்லை,” என்று தன்னுடைய தாய்மை பற்றி அறிவித்துள்ளார்.

இதை உறுதிப்படுத்தும் விதமாக இலியானாவின் தாய் சமீரா, ‛‛எனது புதிய பேரக் குழந்தையை விரைவில் உலகிற்கு வரவேற்கிறோம்'' என பதிவிட்டுள்ளார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி