Dinamalar

இந்தியத் திரையுலகத்தில் அதிக எதிர்பார்ப்பை ஏற்படுத்தியுள்ள படங்கள்

'பாகுபலி, டங்கல்' ஆகிய படங்கள் வெளிவந்த பிறகு இந்தியத் திரையுலகமும் 1000 கோடி வசூலை எளிதில் கடக்க ஆரம்பித்தது. அதற்குப் பிறகு வெளிவந்த மாநில மொழிப் படங்களான 'ஆர்ஆர்ஆர், கேஜிஎப்' ஆகிய படங்கள் எளிதாக 1000 கோடியைக் கடந்தன. 'விக்ரம், பொன்னியின் செல்வன் 1,' ஆகிய தமிழ்ப் படங்களும், 'காந்தாரா' கன்னடப் படமும் தனித்தனியாக மொத்தமாக 500 கோடி வசூலைக் கடந்தன. 'பதான்' ஹிந்திப் படம் 1000 கோடி வசூலைக் கடந்தது.

அந்த விதத்தில் இந்த வருடம் வெளிவர உள்ள சில படங்கள் 1000 கோடியைக் கடக்கும் படங்களாக அமையலாம் என எதிர்பார்க்கப்படுகிறது. அப்படியே இல்லையென்றாலும் அவை 500 கோடியைக் கடப்பது உறுதி என்றுதான் பாலிவுட், டோலிவுட், கோலிவுட் வட்டாரங்களில் பேசிக் கொள்கிறார்கள்.

பிரபாஸ் நடித்துள்ள 'ஆதிபுருஷ்', ஷாரூக்கான் நடித்து வரும் 'ஜவான்', ஆகிய படங்கள் 1000 கோடியைக் கடக்க வாய்ப்புள்ளது. தமிழில் 'பொன்னியின் செல்வன் 2, இந்தியன் 2, ஜெயிலர், லியோ' ஆகிய படங்களும் தெலுங்கில், 'புஷ்பா 2, கேம் சேஞ்சர்' ஆகிய படங்களும், கன்னடத்தில் 'காந்தாரா 2' ஆகிய படங்களும் 500 கோடியைக் கடக்க வாய்ப்புகள் அதிகம் என்கிறார்கள்.

இதுநாள் வரையில் 100 கோடி என்பது பெரும் சாதனையாக இருந்தது. அந்த சாதனை இனி 1000 கோடி என மாறிவிடும். இடையில் சில பல 300 கோடி, 500 கோடி படங்கள் அவ்வப்போது வரலாம் என்ற நிலைக்கு இந்தியத் திரையுலகம் மாறிவிட்டது. தமிழில் எந்தப் படம் முதல் 1000 கோடி வசூலைத் தொடப் போகிறது என தமிழ் சினிமா ரசிகர்கள் ஆவலுடன் காத்திருக்கிறார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா