Dinamalar

டி.பி.கஜேந்திரன், மயில்சாமி, மனோபாலா : மறைந்த கலைஞர்களுக்கு நடிகர் சங்கம் அஞ்சலி

சமீபத்தில் இயக்குனர் டி.பி.கஜேந்திரன், நடிகர்கள் மயில்சாமி, மனோபாலா ஆகியோர் அடுத்தடுத்து மரணம் அடைந்தனர். மூவருமே நகைச்சுவை கலைஞர்கள் என்பது குறிப்பிடத்தக்கது. இவர்களுக்கு தென்னிந்திய திரைப்பட நடிகர் சங்கம் சார்பில் சென்னை தி.நகரில் உள்ள தியாகராயர் அரங்கில் இரங்கல் கூட்டம் மற்றும் அஞ்சலி செலுத்தும் நிகழ்ச்சி நடந்தது.

இந்த நிகழ்ச்சியில் நடிகரும் தென்னிந்திய நடிகர் சங்க பொருளாளருமான கார்த்தி, துணை தலைவர் பூச்சி முருகன், தயாரிப்பாளர் சங்க செயலாளர் ராதாகிருஷ்ணன், இயக்குனர் சங்க செயலாளர் ஆர்.வி.உதயகுமார், நடப்பு தயாரிப்பாளர் சங்க செயலாளர் டி.சிவா, நடிகர்கள் டெல்லி கணேஷ், மன்சூரலிகான், பசுபதி, ராஜேஷ், போஸ் வெங்கட், அஜய் ரத்னம், பொன்வண்ணன், உதயா, சரவணன், லியாகத்தலிகான், விக்னேஷ், சிம்ரன், வையாபுரி, நடிகைகள் தேவயானி, ரோகினி, சச்சு உள்ளிட்ட பலர் கலந்து கொண்டனர். கார்த்தி தவிர முன்னணி நடிகர், நடிகைகள் யாரும் பங்கேற்கவில்லை.

நிகழ்ச்சியில் பேசிய கார்த்தி “மறைந்த மூவரும் தமிழ் சினிமாவின் பொக்கிஷமாக இருந்தார்கள். மற்றவர்களுக்கு உதவுவதில் முக்கியமானவர்களாக இருந்தார்கள். குறிப்பாக மயில்சாமி தானத்திற்கு பிறகுதான் தனக்கு என்று கொடை வள்ளலாக வாழ்ந்தார். மரணம் இயற்கையானதுதான் ஆனால் அது இத்தனை சீக்கிரம் வராமல் பார்த்துக் கொள்ள வேண்டும். உடல்நலனில் அக்கறை செலுத்த வேண்டும்” என்றார்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்