Dinamalar

ஒரு கோடி பார்வைகளை நெருங்கும் 'மாமன்னன்' டிரைலர்

மாரி செல்வராஜ் இயக்கத்தில், ஏஆர் ரகுமான் இசையமைப்பில், வடிவேலு, பகத் பாசில், கீர்த்தி சுரேஷ், உதயநிதி ஸ்டாலின் மற்றும் பலர் நடிக்கும் 'மாமன்னன்' படத்தின் டிரைலர் இரண்டு தினங்களுக்கு முன்பு யு டியூபில் வெளியானது. இப்படத்தின் டிரைலர் தற்போது 92 லட்சம் பார்வைகளைக் கடந்து ஒரு கோடி பார்வையை நோக்கி போய்க் கொண்டிருக்கிறது.

உதயநிதி கதாநாயகனாக நடித்து இதுவரை வெளிவந்த படங்களில் மிஷ்கின் இயக்கத்தில் வெளிவந்த 'சைக்கோ' டிரைலர் மட்டும் 62 லட்சம் பார்வைகளைப் பெற்று முதலிடத்தில் இருந்தது. அதற்கடுத்து அவர் நடித்து வெளிவந்த 'நெஞ்சுக்கு நீதி, கலகத் தலைவன், கண்ணை நம்பாதே' ஆகிய படங்களின் டிரைலர்கள் கூட 'சைக்கோ' டிரைலரின் பார்வைகளைக் கடக்கவில்லை. அதைவிடக் குறைவான பார்வைகளையே பெற்றதாக இருந்தது. ஆனால், இப்போது 'மாமன்னன்' டிரைலர் 'சைக்கோ' டிரைலரின் பார்வைகளைக் கடந்து போய்க் கொண்டிருக்கிறது.

ஏஆர் ரகுமான் இசை, உடன் நடிக்கும் நடிகர்களின் மாறுபட்ட கதாபாத்திரங்கள், மாரி செல்வராஜ் இயக்கம் மீதான எதிர்பார்ப்பு என வேறு சில அம்சங்களும் இப்பட டிரைலரின் பார்வைகளை அதிகம் பெறக் காரணமாக இருக்கிறது. இந்த மாதம் ஜுன் 29ம் தேதி வெளியாக உள்ள இப்படத்திற்கு டிரைலர் வெளியீட்டிற்குப் பிறகு எதிர்பார்ப்பு அதிகமாகியுள்ளது. தனது முந்தைய படங்களான 'பரியேறும் பெருமாள், கர்ணன்' படங்களைப் போலவே இப்படத்திலும் சாதி அரசியலை மையப்படுத்தியிருப்பார் மாரி செல்வராஜ் என்று டிரைலரைப் பார்த்தவர்களின் கருத்தாக உள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...