Dinamalar

'டிடி ரிட்டர்ன்ஸ்' மூலம் 'ரிட்டர்ன்' ஆகிறார் சந்தானம்

தமிழ் சினிமாவில் முன்னணி நகைச்சுவை நடிகராக இருந்த சந்தானம் கதாநாயகனாக வளர்ந்து ஓரிரு ஹிட் படங்களைக் கொடுத்தார். ஆனால், அவர் கதாநாயகனாக நடித்து கடைசியாக வெளிவந்த “சபாபதி, குலு குலு, ஏஜன்ட் கண்ணாயிரம்” ஆகிய படங்கள் பெரும் தோல்விப் படங்களாக அமைந்தன. இருப்பினும் ஓரிரு படங்களில் கதாநாயகனாக நடித்து வந்தார். அவற்றில் ஒரு படம் 'தில்லுக்கு துட்டு' படத்தின் மூன்றாம் பாகம். ஏற்கெனவே அப்பெயரில் வெளிவந்த இரண்டு பாகங்களும் ஹிட் படங்களாக அமைந்தன. அதே பெயரை மீண்டும் வைப்பதற்கு சிக்கல் ஏற்பட்டதால் படத்தின் பெயரை 'டிடி ரிட்டர்ன்ஸ்' என்று வைத்தார்கள். அதாவது 'டேர் டெவில் ரிட்டர்ன்ஸ்'. அதை 'தில்லுக்கு துட்டு ரிட்டர்ன்ஸ்' என்றும் கூட அழைத்துக் கொள்ளலாம்.

அப்படத்தின் படப்பிடிப்பு முடிவடைந்து இறுதிக் கட்டப் பணிகள் நடந்து வருகிறதாம். இந்நிலையில் படத்திற்கான வியாபாரம் எதிர்பார்த்ததை விடவும் நன்றாக நடந்திருப்பதாகச் சொல்கிறார்கள். சந்தானம் நடித்து வெளிவந்த முந்தைய மூன்று படங்கள் தோல்வியடைந்த நிலையில் இந்த 'டிடி ரிட்டர்ன்ஸ்' படத்திற்கு நல்ல வியாபாரம் நடந்திருப்பது திரையுலகத்தில் ஆச்சரியத்தை ஏற்படுத்தியுள்ளது. படம் நகைச்சுவை கலந்து நன்றாக வந்திருப்பதால்தான் இந்த வியாபாரமாம். அடுத்த மாதம் படத்தை வெளியிட திட்டமிட்டு வருகிறார்கள்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?