Dinamalar

மாமன்னனை பாராட்டிய மன்னன்

1992ம் ஆண்டு ரஜினி நடித்த 'மன்னன்' படம் வெளிவந்தது. பி.வாசு இயக்கிய இந்த படத்தில் விஜயசாந்தி, குஷ்பு நடித்திருந்தனர். தற்போது 21 வருடங்களுக்கு பிறகு 'மாமன்னன்' படம் வெளிவந்திருக்கிறது. இந்த படத்தை மாரி செல்வராஜ் இயக்கி இருக்கிறார். உதயநிதி, கீர்த்தி சுரேஷ், வடிவேலு, பகத் பாசில் நடித்துள்ளனர். ரஜினி நடித்த மன்னன் படம் தொழிலாளர், முதலாளி மோதலை சொன்னது. மாமன்னன் படம் ஆதிக்க ஜாதி, அடிமைப்படுத்தபட்ட ஜாதி மோதலை சொன்னது.

இந்த படம் ரஜினிக்கு போட்டுக் காட்டப்பட்டது. படத்தை பார்த்த ரஜினி இயக்குனர் மாரி செல்வராஜை அழைத்து பாராட்டினார். பின்னர் தனது டுவிட்டரில் “சமத்துவத்தை வலியுறுத்தும் மாரி செல்வராஜின் ஒரு அருமையான படைப்பு. அவருக்கு எனது மனமார்ந்த பாராட்டுகள். மிகச் சிறப்பாக நடித்திருக்கும் வடிவேலு, உதயநிதி, பகத் பாசில் ஆகியோருக்கு எனது வாழ்த்துகள்” என்று எழுதியிருக்கிறார்.

இதற்கு நன்றி தெரிவித்துள்ள மாரி செல்வராஜ், ‛‛என் முதல் இரண்டு படங்களான பரியேறும் பெருமாளையும், கர்ணனையும் பார்த்து பாராட்டியதை போல என் மூன்றாவது படமான மாமன்னனையும் விருப்பத்தோடு பார்த்து பேரன்போடும் பெரும் ப்ரியத்தோடும் நேரில் அழைத்து மனதார பாராட்டிய நமது சூப்பர்ஸ்டார் ரஜினி அவர்களுக்கு என் இதயத்திலிருந்து நிரம்பி வழியும் நன்றியையும் மகிழ்ச்சியையும் தெரிவித்துக்கொள்கிறேன்'' என குறிப்பிட்டுள்ளார்.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி