Dinamalar

பெண் இயக்குனர்கள் குறித்து வருத்தப்படும் ஹனி ரோஸ்

ஜீவா நடித்த சிங்கம்புலி படத்தில் அவருக்கு ஜோடியாக நடித்து தமிழில் அறிமுகமானவர் மலையாள நடிகை ஹனி ரோஸ். தொடர்ந்து மலையாள படங்களில் கவனம் செலுத்தி நடித்து வந்த ஹனி ரோஸ் கடந்த வருடம் தமிழில் சுந்தர்.சியுடன் பட்டாம்பூச்சி படத்திலும் இந்த வருடம் தெலுங்கில் வெளியான வீரசிம்ஹா ரெட்டி படத்தில் பாலகிருஷ்ணாவுடனும் இணைந்து நடித்திருந்தார். இந்த நிலையில் தற்போது மலையாளத்தில் உருவாகியுள்ள ‛ரேச்சல்' என்கிற படத்தில் நடித்துள்ளார் ஹனி ரோஸ். இந்த படத்தை பெண் இயக்குனரான ஆனந்தினி பாலா என்பவர் இயக்கியுள்ளார்.

ஹனி ரோஸ் மாட்டு இறைச்சி வெட்டுவதற்காக கையில் கத்தியுடன் அமர்ந்திருப்பது போன்று சமீபத்தில் வெளியான இந்த படத்தின் போஸ்டர் சர்ச்சைக்கு உள்ளானது. இந்த நிலையில் இந்த படத்தில் நடித்த அனுபவம் பற்றி ஹனிரோஸ் கூறும்போது, “இந்த படத்தில் மிகவும் ஒரு போல்டான கதாபாத்திரத்தில் முதன்முறையாக நடித்துள்ளேன் என்று சொல்லலாம். அது மட்டுமல்ல இந்த படத்தில் முதல் முறையாக ஒரு பெண் இயக்குனருடன் இணைந்து பணியாற்றி உள்ளேன். அவருக்கும் இது முதல் படம் தான்.

இதற்கு முன்பு இரண்டு பெண் இயக்குனர்கள் என்னிடம் அருமையான கதைகளை கூறினார்கள். ஆனால் சில காரணங்களால் அந்த படங்களை அவர்களால் முன்னெடுத்து செல்ல முடியவில்லை. திரையுலகில் பெண் இயக்குனர்கள் வாய்ப்பு பெறுவதும் கிடைத்த வாய்ப்பை தக்க வைப்பதும் மிகப் பெரிய போராட்டமாகத்தான் இருக்கிறது” என்று கூறியுள்ளார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...