Dinamalar

'புராஜக்ட் கே' - பிரபாஸ் போஸ்டருக்குக் கடும் விமர்சனங்கள்

நாக் அஷ்வின் இயக்கத்தில், பிரபாஸ், தீபிகா படுகோனே, அமிதாப்பச்சன், கமல்ஹாசன் மற்றும் பலர் நடிக்கும் படம் 'பிராஜக்ட் கே'. இப்படத்தின் டைட்டில் அறிவிப்பு, மற்ற அப்டேட்டுகள் இன்று வெளியாக உள்ளது. அமெரிக்காவில் நடைபெறும் காமிக் கான் விழாவில் அது பற்றி வெளியிடுகிறார்கள்.

இதனிடையே, இப்படத்திற்கான பிரபாஸ் கதாபாத்திர அறிமுக போஸ்டரை வெளியிட்டிருந்தார்கள். அந்த போஸ்டர் சமூக வலைத்தளங்களில் கடுமையாக டிரோல் செய்யப்பட்டு வருகிறது. போஸ்டர் சரியாக டிசைன் செய்யப்படவில்லை, பிரபாஸ் தோற்றம் நன்றாக இல்லை, 'அயர்ன்மேன்' போஸ்டரையும், 'பதான்' போஸ்டரையும் காப்பி அடித்துள்ளார்கள் என பலரும் கமெண்ட் செய்து வருகிறார்கள்.

பிரபாஸ் நடித்து கடைசியாக வெளிவந்த 'ஆதி புருஷ்' படத்தின் முதல் அப்டேட் வந்த போது இப்படியான கடுமையான விமர்சனங்கள்தான் வந்தது. அது போலவே 'புராஜக்ட் கே' படத்திற்கும் வருவது பிரபாஸ் ரசிகர்களுக்கு அதிர்ச்சியாக உள்ளது. இருந்தாலும் அடுத்த வரும் அப்டேட்டுகள் தரமாக இருக்கும் என அவர்கள் எதிர்பார்க்கிறார்கள்.

இதனிடையே முதலில் வெளியான போஸ்டரை படக்குழு 'டெலிட்' செய்துவிட்டது. அதற்குப் பதிலாக பின்னணி எதுவும் இல்லாமல் பிரபாஸ் மட்டுமே இருக்கும் போஸ்டரை மாற்றி வெளியிட்டுள்ளார்கள். ரசிகர்களின் மோசமான கமெண்ட்டுகள்தான் போஸ்டர் மாற்றத்திற்குக் காரணம். ஆரம்பமே இப்படியா என்று பலரும் அதிர்ச்சியடைந்துள்ளார்கள்.

இன்று வெளியாக உள்ள தலைப்பு அறிவிப்பு, வீடியோக்கள் ரசிகர்கள் எதிர்பார்ப்பை பூர்த்தி செய்யுமா என்பது சில மணி நேரங்களில் தெரிந்துவிடும்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  அமெரிக்க முன்பதிவு : 'வார் 2'ஐ பின்னுக்குத் தள்ளி முந்தும் 'கூலி'
• 
  கமல் தயாரிப்பில் அண்ணன், தம்பி நடிப்பார்களா?
• 
  ரசிகர்களுடன் போட்டோ, விருந்து : தனுஷ் மாறியது ஏன்
• 
  மாளவிகா மோகனனின் பிறந்தநாளுக்கு போஸ்டர் வெளியிட்டு அசத்திய மும்மொழி பட ...
• 
  50 வருடம் ஒருவர் சூப்பர் ஸ்டாராவே இருக்கிறாரே அதுதான் பெரிய விஷயம் ; கூலி ...