Dinamalar

வெளியான 'எல்சியு' ரகசியம் : எந்த படத்தை மறுமுறை பார்க்கச் சொல்வார் லோகேஷ்?

கமல்ஹாசன் நடிக்க, லோகேஷ் கனகராஜ் இயக்க கடந்த வருடம் வெளிவந்த படம் 'விக்ரம்'. அப்படத்தில் 'கைதி' படத்தில் இடம் பெற்ற நரேன் கதாபாத்திரம் சில காட்சிகளில் இடம் பெற்றது. கார்த்தி கதாபாத்திரத்தின் குரலை மட்டும் காட்டியிருந்தார்கள். அதனால், அப்படத்திலிருந்து 'எல்சியு', அதாவது 'லோகேஷ் சினிமாட்டிக் யுனிவர்ஸ்' என ஹாலிவுட் ஸ்டைலில் ரசிகர்கள் அழைக்க ஆரம்பித்தார்கள்.

'விக்ரம்' படத்தை அடுத்து 'லியோ' படத்தை லோகேஷ் இயக்க ஆரம்பித்ததும், அதில் 'எல்சியு' இருக்கிறதா இல்லையா என்பது நேற்று வரை கேள்வியாக இருந்து வந்தது. ஆனால், படத்தைப் பார்த்த உதயநிதி ஸ்டாலின் படத்தில் 'எல்சியு' இருக்கலாம் என்ற ரகசியத்தை உடைத்துவிட்டார். அதனால், காலை முதல் ரசிகர்கள் 'எல்சியு, எல்சியு' என டுவிட்டர் தளத்தில் பதிவிட்டு வருகிறார்கள்.

கடந்த வருடம் 'விக்ரம்' படம் வெளிவந்த போது, அதற்கு முன்தினம், ''கைதி'யை இன்னொரு முறை மறுபார்வை பார்த்துவிட்டு 'விக்ரம்' அழைத்துச் செல்லும் உலகுக்கு வாருங்கள் என்று கேட்டுக் கொள்கிறேன்,” என்று பதிவிட்டிருந்தார். 'கைதி'க்கும் 'விக்ரம்' படத்திற்கும் தொடர்பு இருந்தது.

நாளை 'லியோ' வெளியாக உள்ள நிலையில் அதைப் பார்ப்பதற்கு முன்பாக எந்தப் படத்தை மறுபார்வை பார்த்துவிட்டு வாருங்கள் என லோகேஷ் இன்றிரவு சொல்வார் என ரசிகர்கள் ஆவலுடன் காத்திருக்கிறார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...