Dinamalar

பெண்கள் தினத்தை முன்னிட்டு நயன்தாரா-மஞ்சு வாரியர் சந்திப்பு

நடிகை நயன்தாராவை பொறுத்தவரை திரையுலகில் நுழைந்து கடந்த 20 வருடங்களாக லேடி சூப்பர் ஸ்டார் என்கிற அடைமொழியுடன் முன்னணி நடிகையாகவே வலம் வருகிறார். அதேபோல மலையாள நடிகை மஞ்சு வாரியர் நயன்தாராவுக்கு முன் சீனியராக அறிமுகமானவர். அதன்பிறகு சிறிய இடைவெளி விட்டு மீண்டும் தனது இரண்டாவது இன்னிங்ஸில் கடந்த பத்து வருடங்களுக்கு மேலாக முன்னணி நடிகையாக நடித்து வருபவர். சமீப காலமாக தமிழ் திரை உலகில் நுழைந்து ரசிகர்களின் மனதை கவர்ந்தவர். கேரளாவை பொறுத்தவரை இவரையும் லேடி சூப்பர்ஸ்டார் என்று அழைப்பவர்கள் உண்டு.

இந்த இருவரும் இதுவரை ஒரு படத்தில் கூட இணைந்து நடித்ததில்லை. மேலும் எந்த ஒரு நிகழ்விலும் கலந்து கொண்டு ஒன்றாக இருந்தது போன்று புகைப்படம் வெளியானதும் இல்லை. இந்த நிலையில் உலக மகளிர் தினத்தைக் கொண்டாடும் விதமாக இவர்கள் இருவரும் சமீபத்தில் ஒன்றாக சந்தித்துள்ளனர். பொது நிகழ்விலோ படப்பிடிப்பிலோ அல்லாமல் அவர்களது வீட்டிலேயே இயல்பான தோற்றத்தில் இவர்களது சந்திப்பு நிகழ்ந்துள்ளது என்பதை மஞ்சு வாரியர் வெளியிட்டுள்ள புகைப்படம் உறுதிப்படுத்துகிறது.

மேலும் நயன்தாரா பற்றி மஞ்சு வாரியர் கூறும்போது, “நாம் அனைவருமே நமக்குள் ஒரு அற்புதமான பெண்ணை வைத்திருக்கிறோம்.. நான் இதோ என் பக்கத்திலும் ஒருவரை வைத்து இருக்கிறேன். லவ் யூ மை சூப்பர் ஸ்டார் நயன்தாரா” என்று குறிப்பிட்டுள்ளார்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்