சத்யா ரீமேக்கில் அசோக் செல்வன்?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சத்யா ரீமேக்கில் அசோக் செல்வன்?

27 மார், 2024 - 05:54 IST

எழுத்தின் அளவு:

எண்பது, தொண்ணூறுகளின் காலகட்டத்தில் ரஜினி, கமல் நடித்து ரசிகர்களிடம் வரவேற்பை பெற்ற திரைப்படங்களை இப்போது பலர் ரீமேக் செய்ய விரும்பினாலும் அவர்களுக்கு கிடைப்பதென்னவோ அந்த படங்களின் டைட்டில்கள் மட்டும் தான்.. காரணம் ஒரிஜினலை சிதைத்து விடக்கூடாது என்பதால் யாருக்கும் அப்படி ஒரு வாய்ப்பு கிடைப்பதில்லை. இதற்குமுன் ரஜினிகாந்த் நடிப்பில் பாலச்சந்தர் இயக்கத்தில் வெளியான தில்லு முல்லு ரீமேக் ஆன விஷயத்தை உதாரணமாக குறிப்பிடலாம். இந்த நிலையில் கமல் நடித்து மிகப்பெரிய வெற்றி பெற்ற கிளாசிக் படமான சத்யாவை ரீமேக் செய்ய இருக்கிறார்கள் என்கிற தகவல் தற்போது சோசியல் மீடியாவில் வெளியாகி உள்ளது.

இதில் சத்யா கதாபாத்திரத்தில் அசோக் செல்வன் நடிக்கிறார் என்றும் அசோக் செல்வனை வைத்து போர் தொழில் படத்தை இயக்கிய இயக்குனர் விக்னேஷ் ராஜா தான் இந்த படத்தை இயக்க உள்ளார் என்றும் சொல்லப்படுகிறது. இந்த தகவல் எந்த அளவிற்கு உண்மை என்பது விரைவில் சத்யா பட தயாரிப்பாளர் தரப்பிலிருந்து வெளியாகும் என எதிர்பார்க்கலாம்.

1988ல் இயக்குனர் சுரேஷ் கிருஷ்ணா முதல் முறையாக தமிழில் சத்யா படம் மூலமாகத்தான் இயக்குனராக அறிமுகமானார். ஆக்ஷன் படமாக உருவாகி இருந்த இந்த படத்திற்கு இளையராஜாவின் இசை இன்னும் அற்புதமாக உயிரூட்டியது குறிப்பிடத்தக்கது.

Ashokselvan

Sathya

கருத்துகள் (0) கருத்தைப் பதிவு செய்ய

முதன்முறையாக சேப்பாக்கம் ...

சித்தார்த் - அதிதி ராவ் ரகசிய ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய