‛டிராவல் ஏஜென்ட் படத்தை துவக்கி வைத்து ஹீரோவை அறிமுகம் செய்த தர்மேந்திரா - Dharmendra introduced the hero by launching the film Travel Agent

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

‛டிராவல் ஏஜென்ட்' படத்தை துவக்கி வைத்து ஹீரோவை அறிமுகம் செய்த தர்மேந்திரா

08 மே, 2024 - 03:50 IST

எழுத்தின் அளவு:

பிரபல ஆக்ஷன் இயக்குனர் மோகன் பகத். இவரின் மகன் சோனு பகத், "டிராவல் ஏஜென்ட்" என்ற பஞ்சாபி படத்தின் மூலம் நாயகனாக சினிமாவில் நுழைந்துள்ளார். இவருடன் பூனம் சூட், பிரப் கிரேவால், கக்கு கில், ஷவிந்தர் மஹால், விஜய் டாண்டன், அவதார் கில் உள்ளிட்டோர் நடிக்கின்றனர். பல்ஜிந்தர் சிங் சித்து இயக்குகிறார்.

பஞ்சாபைச் சேர்ந்த பலர் வெளிநாடுகளுக்கு வேலைக்குச் செல்கிறார்கள். அப்படி செல்வோர் பெற்றோரையும், குடும்பத்தையும், விவசாயத்தையும் விட்டுவிட்டு வெளியூர் சென்று உழைக்கிறார்கள். இளைஞர்கள் தங்கள் நாட்டில் தங்கி பெற்றோருக்கு சேவை செய்து விவசாயம் செய்ய வேண்டும் என்ற கருத்தை இப்படம் பேச இருக்கிறது.

இந்த படத்தின் துவக்க விழாவை மூத்த நடிகர் தர்மேந்திரா கிளாப் அடித்து துவக்கி வைத்ததோடு, சோனு பகத்தின் சினிமா பயணத்திற்கும் தனது வாழ்த்தை தெரிவித்தார். தர்மேந்திராவின் உறவினர் சோனு. இதுபற்றி தர்மேந்திரா கூறுகையில், ‛‛சோனு பகத்தின் முதல் படத்திற்காக ஆசிர்வதிக்க வந்துள்ளேன். சோனு திறமையானவர் . பஞ்சாபி படங்களில் அவர் அறிமுகமாகிறார். இதில் எனக்கான கதாபாத்திரம் இருந்தால் கண்டிப்பாக நடிப்பேன்" என்றார்.

இப்படத்தின் படப்பிடிப்பு விரைவில் பஞ்சாப் மற்றும் உத்தரகாண்டில் நடைபெறவுள்ளது.

Travelagent

dharmendra

SonuBaggad

கருத்துகள் (0) கருத்தைப் பதிவு செய்ய

சினிமாவிற்கு முழுக்கா... - கங்கனா ...

அமிதாப் பச்சனுக்கு அடுத்து எனக்கு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய