Dinamalar

இந்தியன் தாத்தாவின் கத்தியே அழைப்பிதழ் ஆனது

1996ம் ஆண்டு கமல்ஹாசன் இரட்டை வேடத்தில் நடித்து வெளியான 'இந்தியன்' படம் பெரிய வெற்றி அடைந்தது. தற்போது இதன் இரண்டாம் பாகத்தை 28 ஆண்டுகளுக்கு பிறகு இயக்குனர் ஷங்கர் இயக்கி உள்ளார். இந்த படத்தில் கமலுடன் பிரியா பவானி சங்கர், காஜல் அகர்வால், ரகுல் பிரீத் சிங், சித்தார்த், பாபி சிம்ஹா, சமுத்திரக்கனி உள்ளிட்ட பலர் நடித்துள்ளனர். லைகா மற்றும் ரெட் ஜெயன்ட் நிறுவனம் இணைந்து தயாரித்துள்ளன. அனிருத் இசையமைத்துள்ளார். படம் வருகிற ஜூலை 12ம் தேதி வெளியாகும் என அறிவிக்கப்பட்டுள்ளது.

படத்தின் இரு பாடல்கள் வெளியிடப்பட்டுள்ள நிலையில் படத்தின் பாடல் வெளியீட்டு விழா நாளை (ஜூன் 1) மாலை 6 மணிக்கு நேரு உள் விளையாட்டு அரங்கில் பிரமாண்டமாக நடக்கிறது. இதில் ரஜினி கலந்து கொள்வதாக இருந்தது. ஆனால் அவர் இமயமலை சென்று விட்டதால் அவர் கலந்து கொள்ளவில்லை என்பது உறுதியாகி உள்ளது. என்றாலும் மம்முட்டி, மோகன்லால், சிரஞ்சீவி, சிவராஜ் குமார், விஜய் சேதுபதி உள்ளிட்டவர்கள் கலந்து கொள்வார்கள் என்று எதிர்பார்க்கப்படுகிறது.

இந்த நிலையில் பாடல் வெளியீட்டு விழாவுக்கான அழைப்பிதழ் அனைவரையும் ஆச்சர்யத்தில் ஆழ்த்தி உள்ளது. இந்தியன் தாத்தா சேனாதிபதி பயன்படுத்தும் கத்தியின் சாயலில் அழைப்பிதழ் கொடுக்கப்பட்டு வருகிறது. விழாவிலும் இதுபோன்ற எதிர்பாராத ஆச்சர்யங்கள் இருப்பதாக கூறப்படுகிறது. குறிப்பாக கமல் இந்தியன் தாத்தா வேடத்தில் தோன்ற இருப்பதாக தகவல் வெளியாகி உள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!