Dinamalar

லோக்சபா தேர்தல் : வெற்றி பெற்ற சினிமா பிரபலங்கள்

2024ம் ஆண்டு நடந்து முடிந்த லோக்சபா தேர்தலில் பல்வேறு கட்சிகளின் சார்பில் சில பிரபலங்கள் போட்டியிட்டனர். அவர்களில் சிலர் வெற்றி பெற்றுள்ளனர்.

கங்கனா ரணாவத்
ஹிந்தித் திரையுலகத்தின் முன்னணி நடிகைகளில் ஒருவர். கடந்த சில வருடங்களாகவே பாஜக-வை தீவிரமாக ஆதரித்து வந்தார். அவருடைய சொந்த ஊரான ஹிமாச்சல் பிரதேசம், மாண்டி தொகுதியில் பாஜக சார்பில் போட்டியிட்டார். போட்டியிட்ட முதல் தேர்தலிலேயே வெற்றி பெற்று எம்.பி. ஆகி உள்ளார்.

ஹேமமாலினி
ஹிந்தித் திரையுலகின் மூத்த நடிகை. ஏற்கெனவே பாஜக எம்.பி ஆக இருந்தவர். அவரது முந்தைய தொகுதியான உத்தரபிரதேச மதுரா தொகுதியில் மீண்டும் போட்டியிட்டு வெற்றி பெற்றுள்ளார்.

சத்ருகன் சின்ஹா
ஹிந்தித் திரையுலகத்தின் மூத்த நடிகர் சத்ருகன் சின்ஹா. திரிணாமுல் காங்கிரஸ் கட்சியின் வேட்பாளராக மேற்கு வங்களாம் அசன்சோல் தொகுதியில் போட்டியிட்டு எம்.பி. ஆகி உள்ளார்.

அருண்கோவில்
டிவியில் ஒளிபரப்பாகி பெரும் வரவேற்பைப் பெற்ற 'ராமாயண்' தொடரில் ராமர் ஆக நடித்த அருண் கோவில் உத்தரப் பிரதேசத்தின் மீரட் தொகுதியில் பாஜக சார்பில் போட்டியிட்டு வெற்றி பெற்றுள்ளார்.

மனோஜ் திவாரி
போஜ்புரி நடிகரான மனோஜ் திவாரி, வடகிழக்கு டில்லி தொகுதியில் பாஜக சார்பாக போட்டியிட்டு வெற்றி பெற்றுள்ளார்.

ரவி கிஷன்
சமீபத்தில் வெளிவந்து பரபரப்பை ஏற்படுத்திய 'லாபட்டா லேடீஸ்' ஹிந்திப் பட நடிகரான ரவி கிஷன் பாஜக சார்பில் கோரக்பூர் தொகுதியில் போட்டியிட்டு எம்.பி ஆகி உள்ளார்.

சுரேஷ் கோபி
மலையாள நடிகரான சுரேஷ் கோபி, கேரள மாநிலம் திருச்சூர் தொகுதியில் பாஜக சார்பில் போட்டியிட்டார். அக்கட்சிக்கு முதன் முதலில் ஒரு எம்.பி. சீட்டை தனது வெற்றி மூலம் பெற்றுத் தந்துள்ளார்.

விஜய் வசந்த்
தமிழகத்தைப் பொறுத்தவரையில் கன்னியாகுமரி தொகுதியில் காங்கிரஸ் சார்பில் போட்டியிட்ட முன்னாள் நடிகர் விஜய் வசந்த் மீண்டும் வெற்றி பெற்று எம்.பி. ஆகி உள்ளார்.

இவர்கள் தவிர பெங்காலி திரையுலகத்தைச் சேர்ந்த தேவ் அதிகாரி, ரச்சனா பானர்ஜி, ஜுன் மலியா, சதாப்தி ராய் ஆகியோர் திரிணாமுல் காங்கிரஸ் சார்பில் மேற்கு வங்காளத்தில் போட்டியிட்டு எம்.பி. ஆகி உள்ளார்கள்.

தோல்வியடைந்த வேட்பாளர்களில் தமிழகத்தில், விருதுநகர் தொகுதியில் போட்டியிட்ட நடிகை ராதிகா சரத்குமார் குறிப்பிட வேண்டியவர்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்
• 
  சூப்பர் ஹீரோயினாக மாறிய கல்யாணி பிரியதர்ஷன்
• 
  ஷோபனாவை அவமதித்த ஊழியர் : படப்பிடிப்பு தளத்தையே நடுங்க வைத்த அமிதாப் ...