Dinamalar

24 மணிநேர சாதனையில் பின்தங்கிய 'கல்கி 2898 ஏடி' டிரைலர்

நாக் அஸ்வின் இயக்கத்தில் சந்தோஷ் நாராயணன் இசையமைப்பில், பிரபாஸ், தீபிகா படுகோனே, அமிதாப்பச்சன், கமல்ஹாசன் மற்றும் பலர் நடிக்கும் தெலுங்கப் படம் 'கல்கி 2898 ஏடி'. இப்படத்தின் டிரைலர் நேற்று முன்தினம் மாலை வெளியானது.

இந்த டிரைலருக்கு மிகப் பெரும் வரவேற்பு கிடைத்து புதிய சாதனை படைக்கும் என்று எதிர்பார்க்கப்பட்டது. ஆனால், 24 மணி நேர சாதனையிலேயே பின்தங்கிவிட்டது. 24 மணி நேரத்தில் இப்படத்தின் தெலுங்கு டிரைலருக்கு 14.4 மில்லியன் பார்வைகள் மட்டுமே கிடைத்துள்ளது.

பிரபாஸ் நடித்து இதற்கு முன்பு வெளிவந்த 'சலார், ராதே ஷ்யாம், பாகுபலி 2' ஆகிய படங்களின் டிரைலர்களைக் காட்டிலும் குறைவான பார்வைகளையே பெற்றுள்ளது. “ஆர்ஆர்ஆர், புஷ்பா” படங்களின் டிரைலர்கள் பெற்ற பார்வைகளை விடவும் பின்தங்கியுள்ளது. இது படக்குழுவிற்கு மட்டுமல்ல, பிரபாஸ் ரசிகர்களுக்கும் அதிர்ச்சியான தகவல்தான். தெலுங்கில் மகேஷ்பாபு நடித்து வெளிவந்த 'குண்டூர் காரம்' படம் 24 மணி நேரத்தில் 37.6 மில்லியன் பார்வைகளைப் பெற்று முதலிடத்தில் உள்ளது.

தற்போது 'கல்கி 2898 ஏடி' டிரைலர்களில் ஹிந்தி டிரைலர் 21 மில்லியன், தெலுங்கு டிரைலர் 16 மில்லியன், தமிழ் டிரைலர் 3.8 மில்லியன், மலையாள டிரைலர் 1.7 மில்லியன், கன்னட டிரைலர் 1.6 மில்லியன், தெலுங்கு டிரைலரைக் காட்டிலும், ஹிந்தி டிரைலர் அதிகப் பார்வைகளுடன் முன்னணியில் உள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!