Dinamalar

தொடர் தோல்விகளிலிருந்து தப்பிப்பாரா 'மகாராஜா' விஜய் சேதுபதி

தமிழ் சினிமாவில் வித்தியாசமான நடிகர் என அறியப்பட்டவர் விஜய் சேதுபதி. அவர் கதாநாயகனாக நடித்து வெளிவந்த படங்களில் “பீட்சா, நடுவுல கொஞ்சம் பக்கத்த காணோம், சூது கவ்வும், சேதுபதி, இறைவன், தர்மதுரை, விக்ரம் வேதா, 96” ஆகிய படங்கள் அவருக்கு நல்ல பேரைப் பெற்றுத் தந்தன. தொடர்ந்து வெற்றி, தோல்வி என மாறி மாறி வந்து கொண்டிருக்கிறது அவரது பயணம்.

கதாநாயகனாக நடிப்பதோடு மட்டுமல்லாமல் வில்லனாகவும், 'பேட்ட, மாஸ்டர், விக்ரம், ஜவான்” ஆகிய படங்களிலும் பேசப்பட்டார். தமிழில் அவர் கதாநாயகனாக நடித்து கடைசியாக ஓடிய படம் என்றால் '96' படம்தான். 2018ல் வெளிவந்த அந்த படத்திற்குப் பிறகு அவர் நடித்து வெளிவந்த “சீதக்காதி, சூப்பர் டீலக்ஸ், சிந்துபாத், சங்கத்தமிழன், லாபம், காத்து வாக்குல ரெண்டு காதல், மாமனிதன், டிஎஸ்பி, யாதும் ஊரே யாவரும் கேளிர், மெர்ரி கிறிஸ்துமஸ்” ஆகிய படங்கள் வியாபார ரீதியாக வசூலைக் குவிக்கவில்லை.

கடந்த வருடம் அவர் முக்கிய கதாபாத்திரத்தில் நடித்து வெளிவந்த 'விடுதலை' படம் வசூல் ரீதியாக வெற்றி பெற்றது. ஆனால், அப்படத்தில் கதையின் நாயகனாக சூரி தான் நடித்திருந்தார்.

கதாநாயகனாக இத்தனை தோல்விகளுக்குப் பிறகு அவர் நடித்துள்ள 'மகாராஜா' படம் நாளை மறுதினம் ஜூன் 14ம் தேதி வெளியாக உள்ளது. இப்படம் குறித்து கோலிவுட்டில் நல்லபடியாகப் பேசி வருகிறார்கள். தன்னுடைய தொடர் தோல்விகளிலிருந்து இந்தப் படம் மூலம் விஜய் சேதுபதி மீள்வார் என்கிறார்கள்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?