Dinamalar

புரமோஷனுக்கு தனியாக ரூ.3 லட்சம் வேணும் : தயாரிப்பாளரை அதிர வைத்த அபர்ணதி

ஸ்ரீவெற்றி இயக்கத்தில் அஸ்வின், அபர்ணதி ஆகியோர் முதன்மை வேடத்தில் நடித்துள்ள படம் ‛நாற்கரப்போர்'. சென்னையில் நடந்த இசை வெளியீட்டு விழாவில் பேசிய இப்படத்தை வெளியிடும் தயாரிப்பாளர் சுரேஷ் காமாட்சி, ‛‛அபர்ணதி நல்ல நடிகை, ஆனால் அவர் விழாவிற்கு வராதது வருத்தமே. இப்போதெல்லாம் நடிகைகள் புரமோஷனுக்கு வர மாட்டார்கள் என்பது தமிழ் சினிமாவில் சாபக்கேடாகவே மாறிவிட்டது. அபர்ணதியை இப்பட விழாவிற்கு நான் போனில் அழைத்தபோது அதற்கு தனியாக ரூ.3 லட்சம் தர வேண்டும் என்றார். மேலும் அவர் அருகில் யார் அமர வேண்டும் என்றெல்லாம் கண்டிஷன் போட்டார். அதையெல்லாம் நான் பேசினால் சர்ச்சையாகி விடும்.

பின்னர் ஓரிரு நாளில் தான் அப்படி பேசியதற்காக வருத்தம் தெரிவித்தவர் புரமோஷன் நிகழ்ச்சிக்கு வருகிறேன் என்றார். ஆனால் வரவில்லை. கேட்டால் நான் அவுட் ஆப் ஸ்டேஷன் என்று கூறிவிட்டார். அவர் அவுட் ஆப் ஸ்டேஷனிலேயே இருக்கட்டும். இப்படிப்பட்ட நடிகைகள் தேவையில்லை. அது தான் தமிழ் சினிமாவிற்கு நல்லது. தயாரிப்பாளர்களை காயப்படுத்தி விட்டு அவர்கள் சினிமாவிற்குள் வந்து என்ன நல்லது செய்யப் போகிறார்கள்'' என வருத்தத்துடன் பேசினார்.

டிவி நிகழ்ச்சியில் பிரபலமாகி பின்னர் ஜெயில், இறுகப்பற்று போன்ற படங்களில் தனது நடிப்பால் ரசிகர்களை கவர்ந்தவர் அபர்ணதி. வளர்ந்து வரும் நடிகையான இவர் இப்படி பேசியிருப்பது திரையுலகில் அவர் மீது அதிருப்தியையும், சலசலப்பையும் ஏற்படுத்தி உள்ளது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்
• 
  சூப்பர் ஹீரோயினாக மாறிய கல்யாணி பிரியதர்ஷன்
• 
  ஷோபனாவை அவமதித்த ஊழியர் : படப்பிடிப்பு தளத்தையே நடுங்க வைத்த அமிதாப் ...
• 
  விபத்தில் சிக்கிய வில்லன் நடிகரை நேரில் சந்தித்து ஆறுதல் கூறிய ...
• 
  சிவகார்த்திகேயனுக்கு ஜோடியாகும் கயாடு லோகர், கல்யாணி பிரியதர்ஷன்