Dinamalar

பஹத் பாசிலை தொடர்ந்து ஏடிஹெச்டி பாதிப்பில் வில்லன் நடிகர்

நடிகர் பஹத் பாசில் கடந்த சில மாதங்களுக்கு முன்பு ஒரு பொது நிகழ்ச்சியில் கலந்து கொண்டு பேசும்போது தனக்கு ஏடிஹெச்டி எனப்படும் பாதிப்பு இருப்பதாக ஒரு அதிர்ச்சியான தகவலை வெளியிட்டார். 41 வயதில் தான் தனக்கு இது தெரிய வந்ததாகவும் சிறுவயதிலேயே இதை கண்டறிந்திருந்தால் எளிதில் குணப்படுத்தி இருக்கலாம் என்று மருத்துவர் கூறியதாகவும் கூறினார். தற்போது அதே போல பிரபல மலையாள வில்லன் நடிகராக ஷைன் டாம் சாக்கோ தானும் இதே போல ஏடிஹெச்டி பாதிப்புக்கு ஆளாகியுள்ளதாக கூறியுள்ளார்.

தமிழில் பீஸ்ட், ஜிகர்தண்டா டபுள் எக்ஸ், தெலுங்கில் தசரா உள்ளிட்ட படங்களில் வில்லனாக நடித்து பிரபலமான ஷைன் டாம் சாக்கோ அவ்வப்போது பரபரப்பான கருத்துக்களைப் பேசி சர்ச்சைகளில் சிக்குபவர். சமீபத்தில் கூட தனது காதலியுடன் பிரேக்கப் ஆகிவிட்டது என்று கூறி அதிர்ச்சி அளித்தார். பெரும்பாலும் இவர் தன்னை பற்றி மீடியாக்களில் கவனம் பெற வேண்டும் என்பதற்காக இப்படி பேசி வருகிறார் என்று சொல்லப்படுவது உண்டு. இந்த நிலையில் தான் கவனக்குறைவு மற்றும் மற்றவர்களின் கவனத்தை ஈர்க்க வேண்டும் என்கிற தாக்கத்தை ஏற்படுத்தும் ஏடிஹெச்ச்டி பாதிப்புக்கு தான் ஆளாகியுள்ளதாக கூறியுள்ளார் ஷைன் டாம் சாக்கோ.

ஆனால் இதை பாசிட்டிவான கோணத்தில் அணுகியுள்ள அவர், வெளியில் இருந்து பார்ப்பவர்களுக்கு தான் இது ஒரு பாதிப்பு என்பது போல தெரியும். ஆனால் எனக்கு இது உண்மையிலேயே ஒரு பயனுள்ள விஷயம்தான். கறை நல்லது என்று சிலர் சொல்வார்களே இதுவும் அதுபோலத்தான் என்று கூறியுள்ள அவர் இந்த பாதிப்பு உடையவர்கள் மற்றவர்களின் கவனத்தை ஈர்ப்பதற்கு ரொம்பவே முயற்சிப்பார்கள் என்றும் கதவுகள் மூடப்பட்ட அறைக்குள் இருப்பதை தவிர்த்து வெளிப்புறங்களிலேயே இருப்பதற்கு விரும்புவார்கள் என்றும் அது போன்ற தாக்கம் தனக்கும் இருக்கிறது என்றும் கூறியுள்ளார்.

• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3

• 
  இரு தேசிய விருதுகளுக்குக் காரணமான அட்லீ, அனிருத்
• 
  பிளாஷ்பேக் : 3 மொழிகளில் வெற்றி பெற்ற அம்மா சென்டிமெண்ட் படம்
• 
  பிளாஷ்பேக் : எம்.எஸ்.பாஸ்கருக்கு விருது கிடைத்திருக்க வேண்டிய ...
• 
  வசூலை குவிக்கும் இந்திய அனிமேஷன் படம்
• 
  சர்வதேச திரைப்பட விழாக்களில் பங்கேற்கும் குழந்தைகள் சினிமா